سوناکشی سنہا بالی کی ایک خوبصورت اور با صلاحیت اداکارہ ہیں، وہ اپنے کام کے ساتھ ساتھ اپنی بیوٹی کا بھی بہت خیال رکھتی ہیں۔ سوناکشی اپنے سوشل میڈیا اکاؤنٹ پر اکثر اپنی بیوٹی روٹین سے متعلق ویڈیوز اور اسٹوریز لگاتی رہتی ہیں۔
حال ہی میں اداکارہ نے ووگ میگزین کو انٹرویو دیتے ہوئے بتایا کہ، "میں اپنے بالوں کے لیے پیاز کا رس استعمال کرنے کی کوشش کرتی ہوں۔ اسے لگانے کے بعد بہت عجیب بدبو آتی ہے، لیکن میں نے سنا ہے کہ یہ بالوں کی نشونما اور انکی صحت کو بہتر بنانے میں مدد کرتا ہے۔"
پیاز کھانا پکانے میں ایک اہم جزو ہونے کے علاوہ، اس کا رس بالوں کو مضبوط بنانے کے لیے بیوٹی ڈی آئی وائی اور مصنوعات میں بھی استعمال ہوتا ہے۔ پیاز میں موجود سلفر کی موجودگی بالوں کو ٹوٹنے اور پتلے ہونے سے روکتی ہے، جبکہ بالوں کے پٹکوں کی دوبارہ نشوونما کو بھی فروغ دیتی ہے۔
پیاز کا رس استعمال کرنے کے 3 فائدے:
بال گرنا (ہیئر فال):
سائنسی طور پر پیاز میں موجود سلفر مضبوط، گھنے بالوں کو سہارا دیتا ہے، اور بالوں کو گرنے سے روکتا ہے۔ 1 پیاز کے جوس میں ایلو ویرا کے 2 پتوں کے جیل کو 100-250 ملی لیٹر ناریل کے تیل کے ساتھ ملا کر بالوں پر لگائیں، یہ بال گرنے سے نمٹنے کے لیے مثالی ریمیڈی ہے۔ ناریل کا تیل اور ایلوویرا، پیاز کے رس کی تیز بو کو کم کرتا ہے جو آنکھوں میں جلن پیدا کر سکتا ہے۔ اسے رات بھر لگا کے رکھیں یا کم از کم 3-4 گھنٹے تو لازمی لگائیں اور پھر دو بار شیمپو سے بال دھولیں۔ یہ آپ کے بالوں کو پہلے سے زیادہ مضبوط بنائے گا۔
سر کی جوؤں سے نجات:
سر کی جوئیں ہمیشہ ایک ناپسندیدہ مہمان ہوتی ہیں جو ہماری کھوپڑی پر رہتی ہیں۔ سر کی جوؤں سے نمٹنے کے لیے جہاں شیمپو بنائے گئے ہیں، وہیں ان میں موجود سخت کیمیکلز بالوں کے قدرتی تیل کو چھین لیتے ہیں اور مزید خشکی اور بالوں کے گرنے کا باعث بنتے ہیں۔ 3-4 پیاز کو پیس کر اس پیسٹ کو سر کی جلد اور بالوں پر لگائیں، اسے تقریباً 10-15 منٹ تک بالوں میں لگا رہنے دیں اور پھر مردہ جوؤں کو دور کرنے کے لیے دانتوں کی باریک کنگھی کا استعمال کریں۔ آخر میں، اپنے بالوں کو اچھی طرح شیمپو اور کنڈشنر کریں ۔اس عمل کو ہفتے میں دو بار دہرائیں۔
جلد کے لیئے:
پیاز کولیجن بڑھانے والی خصوصیات کے لیے جانی جاتی ہے۔ جو چہرے، کھوپڑی اور بالوں پر صحت مند سیل ٹرن اوور کا باعث بنتے ہیں۔ یہ وٹامن سی سے بھی بھرا ہوا ہے جو جلد کے ان علاقوں کو چمکانے کے لیے جانا جاتا ہے جہاں پھیکا پن ہوتا ہے۔ 3-4 کھانے کے چمچ پیاز کا رس نکال کر اس میں تھوڑی ہلدی ڈالیں اور اسے اچھی طرح مکس کریں۔ ہلکے برش کے ساتھ، اس پیسٹ کو اپنے چہرے پر لگائیں، خاص طور پر ان جگہوں پر جہاں پھیکا پن اور جلد کا رنگ ناہموار ہے۔ اسے اپنے چہرے پر لگانے کے بعد تقریباً 5 منٹ تک لگا رہنے دیں اور پھر اسے اچھی طرح سے دھو لیں۔