آج کل گرمی بہت زیادہ ہے اور سورج کی تیز شعاعیں آگ برسا رہی ہیں جس کہ وجہ سے ہماری جلد بھی بے حد خراب ہو جاتی ہے ہاتھ پاؤں اور چہرے کی رنگت خراب ہو جاتی ہے اور جلد جھلس جاتی ہے جس سے جلد چھٹکارا پانا آسان نہیں ہوتا۔
آج ہم آپ کو ایک ایسی بیوٹی ٹپ بتانے جا رہے ہیں جس کو آزما کر آپ فوری جھلسی ہوئی جلد کو نکھار سکتی ہیں اور دو سے تین استعمال میں اس کا رنگ واپس بحال کر سکتی ہیں تو چلیں پھر شروع کرتے ہیں۔
ٹپ
گرمیوں میں چہرے اور ہاتھ جو سورج کی تیز شعاؤں سے متاثر ہوتے ہیں اور رنگ خراب ہو جاتا ہے، اس کے لیے بالائی والی آدھا کپ دہی لیں۔
اس میں ایک چائے کا چمچ خالص ہلدی شامل کریں۔
اور پھر اتنا آٹا ملائیں کہ پیسٹ کی شکل اختیار کر لے۔
اسے چہرے گردن اور ہاتھوں پر اچھی طرح مل لیں، اور رگڑیں یعنی اسکرب کریں۔
آدھے گھنٹے بعد مساج کرتے ہوئے اتار لیں اور ٹھنڈے پانی سے دھو لیں۔
دو، تین گھنٹے بعد صابن استعمال کریں جلد نکھر کر صاف اور چمک دار ہو جائے گی سورج کی شعاعوں سے جھلسی ہوئی جلد پھر سے نرم و ملائم اور چمکدار ہو جائے گی۔