ویسے تو یہ ہر عورت کی خواہش ہوتی ہے کہ وہ اپنی عمر سے دس سال چھوٹی نظر آۓ تاکہ وہ اپنی عمر کے بارے میں جھوٹ بول سکے اور دنیا والے اس کے اس جھوٹ پر یقین بھی کر لیں
عمر چھپانے کے لیۓ چہرے کی جلد کا صاف شفاف اور جھریوں سے پاک ہونا ضروری ہے کیوں کہ یہی وہ دو کمزوریاں ہوتی ہیں جو آپ کی اصل عمر کی چغلی کھالیتی ہیں
چمچے کے ذریعے جوان نظر آنے کے ٹوٹکے
آج ہم آپ کو کچھ ایسے طریقے بتائیں گے جس میں بغیر خرچ کیۓ گھر میں موجود کھانے کے چمچے کی مدد سے کچھ خاص ورزشیں کر کے جھریوں کو غائب کر کے جوانوں کی طرح جلد حاصل کی جا سکتی ہے
1: ڈھلکتی جلد کو ٹائٹ کریں
عمر کے اثرات سب سے پہلے آپ کی جلد پر سامنے آنا شروع ہوتے ہیں جو کہ ڈھلک جاتی ہے اس کو شو بز سے بڑے لوگ تو پلاسٹک سرجری اور دوسرے طریقوں سے ٹائٹ کروا لیتے ہیں مگر آج ہم آپ کو مفت میں جلد کو ٹائٹ کرنے کا طریقہ بتائيں گے
اس کے لیۓ آپ نے کھانا کھانے کے چمچے کے پچھلے حصے کو ہونٹوں کے درمیان دبا کر پکڑ لینا ہے اور جبڑوں کے زور سے اس چمچے کو اوپر اٹھانے کی کوشش کریں یہ مشق دس بار کریں
اس کے بعد اس چمچے کو منہ میں لے کر ہی مسکرائیں اور دس سیکنڈ تک اس حالت کو برقرار رکھیں اور اس کے بعد چہرے کو واپس پہلی حالت میں لے آئيں اس عمل کو چند بار دہرائيں
ان مشقوں سے جلد ٹائٹ ہو جاۓ گی اور آپ عمر سے کم نظر آنے لگیں گی
2: ہونٹوں کے گرد لکیریں صاف کرنے کے لیۓ
عام طور پر عمر کے ساتھ ہونٹوں کے گرد ایسی لکیریں بن جاتی ہیں جو انسان کو عمر رسیدہ ثابت کرتی ہیں ایسی صورت میں اپنے ہونٹوں کو اندر کی طرف دبا لیں اور ان کے درمیان چمچ کو تصویر کے مطابق پھنسا لیں اور اس عمل کو دس سیکنڈ تک کریں اور اس کے بعد چمچ کو کھینچ کر نکال لیں اس عمل کو چار بار دہرائیں
اس طریقے سے ہونٹوں کے گرد بننے والی لکیریں صاف ہو جائیں گی
3: تھوڑی کے نیچے کی ڈھلکتی کھال کو ٹھیک کرنا
تھوڑی کے نیچے عمر کے ساتھ ساتھ کھال لٹک جاتی ہے جس کی وجہ سے عمر کے اثرات چہرے کے ساتھ ساتھ گردن پر بھی ظاہر ہونا شروع ہو جاتے ہیں
اس مشق کے لیۓ سر کو پیچھے کی طرف اس طرح موڑیں کہ چہرہ اوپر کی جانب اٹھ جاۓ اس کے بعد نچلے ہونٹ کو باہر کی طرف کریں اور اس پر ایک چمچہ رکھ دیں کوشش کریں کہ نچلا ہونٹ اس کو توازن کے ساتھ سنبھال سکے۔
دس سیکنڈ تک نچلے ہونٹ پر چمچہ رکھے رہنے دیں اس کے بعد ہٹا لیں اس مشق کو چار سے پانچ بار دہرائیں
یہ تمام مشقیں روزانہ کریں کچھ ہی دنوں میں آپ کو چہرے پر فرق نظر آنا شروع ہو جاۓ گا ۔ یہ تمام مشقیں یوگا ماہرین کی بتائی ہوئی مشقیں ہیں اور ان پر اعتماد کے ساتھ عمل کریں اور فائدہ پائيں