بھارتی اداکارہ
سُواتی ستیش کے دانتوں کی غلط سرجری ہونے کی وجہ سے ان کا چہرہ بگڑ گیا ہے۔
تفصیلات کے مطابق ریاست کرناٹکا سے تعلق رکھنے والی اداکارہ سواتی ستیش نے دانت کے درد سے نجات حاصل کرنے کے لیے روٹ کینال سرجری کروائی تھی لیکن ڈاکٹروں کی غفلت کے باعث 20 دن تک درد ختم نہ ہوا اور ساتھ ہی چہرہ بھی سوج گیا۔ سوجن اتنی بڑھ گئی کہ چہرہ بگڑ گیا۔
سوشل میڈیا پر وائرل ہونے والی تصاویر میں دیکھا جا سکتا ہے کہ اداکارہ کی ناک، منہ اور ہونٹ سوج کر لٹک گئے ہیں۔
اداکارہ نے بتایا کہ ڈاکٹروں نے مجھے کہا تھا کہ چہرہ چند گھنٹوں میں ٹھیک ہو جائے گا لیکن سرجری کے 20 دن گزرنے کے بعد بھی ٹھیک نہیں ہوا۔
جس کی وجہ سے کئی دنوں سے گھر سے باہر بھی نہیں نکل رہی اور تمام پروجیکٹس بھی کینسل کر دیے ہیں۔
میں ڈینٹل کلینک کے خلاف قانونی چارہ جوئی کروں گی۔