اپرلپ پر بالوں کی شکایت خواتین کو اکثر رہتی ہے جس کے لئے وہ ماہ میں ایک سے دو مرتبہ پارلر ضرور جاتی ہیں، لیکن اگر کسی وجہ سے نہ جاسکیں تو اپر لپ کے بال بڑھ جاتے ہیں اور وہ مونچھ نما لگنے لگتی ہیں۔ آپ گھر بیٹھے کچن میں استعمال ہونے والی ان چیزوں سے کریں اپنے غیر ضروری بالوں کی صفائی وہ بھی بیس منٹ میں۔
ترکیب:
٭ ایک چمچ بیسن، ایک چمچ چاول کا آٹا، ایک چمچ کھانڈ یا براؤن شوگر، آدھا چمچ ہلدی اور تین قطرے بادام کا تیل ان تمام چیزوں کو ملا کر اچھی طرح پیسٹ بنالیں۔
٭ یہ پیسٹ اپنے اپر لپ پر لگا کر پندرہ منٹ چھوڑ دیں۔ اس کے بعد کسی موٹے کپڑے یا تولیے سے اپر لپ کر رگڑ لیں، اس سے بال بھی نکل آئیں گے اور آپ کی جلد پر کسی قسم کا نہ تو کوئی نشان ہوگا اور نہ تکلیف و جلن۔
اگر زیادہ بال ہیں تو آپ روزانہ آزما کے دیکھ لیں، آپ کو خود فرق نظر آئے گا۔