"میں 60 سال کی ہوں. پہلی شادی کو 28 سال ہوئے تھے کہ شوہر نے طلاق دے کر فلپائنی لڑکی سے دوسری شادی کر لی. میں جان دینا چاہتی تھی لیکن پھر میری ملاقات نکھل سے ہوئی"
یہ کہنا ہے 60 برس کی گیتا کا جن کا تعلق بھارت کے شہر ممبئی سے ہے. گیتا نے 3 سال پہلے اپنے سے 20 سال چھوٹے شخص سے شادی کر لی. دیکھیں ویڈیو
ویڈیو میں دیکھا جاسکتا ہے کہ 40 برس کے نکھل اپنی بڑی عمر کی بیوی کے ساتھ بہت خوش ہیں. اپنی کہانی سناتے ہوئے گیتا کہتی ہیں کہ جب اتنی پرانی شادی ٹوٹ گئی تو میں دلبرداشتہ ہوگئی تھی. پھر سوشل ورک کے دوران نکھل سے میری ملاقات ہوئی. ہماری دوستی ہوگئی اور دونوں ایک دوسرے کو پسند کرنے لگے.
گیتا کہتی ہیں کہ نکھل بھی طلاق یافتہ تھے لیکن جب انھوں نے گھر والوں کو میرے بارے میں بتایا تو وہ صدمے میں آگئے اور مجھے مسترد کردیا. جبکہ میرے گھر والے شادی کے لئے مان گئے تھے.
جس دن ہم نے شادی کی اس دن اچانک ہی نکھل کے گھر والے بھی ہماری شادی میں شریک ہوگئے. میں سسرال گئی اور دو سالوں میں پورے سسرال کا دل جیت لیا. اس طرح ہم نے اپنی شادی کو کامیاب بنایا. لوگ آج بھی میری عمر کا مذاق اڑاتے ہیں لیکن سچی محبت کے سامنے عمر کی کوئی حیثیت نہیں.