"یہ صرف مشہوری حاصل کرنے کے چکر میں ہے۔ پاکستانی اداکاراؤں کو نشانہ بنانا اس کی عادت بن چکی ہے۔"
"چار شادیاں کر کے بھی اسے چین نہیں آیا، اب اداکاراؤں کے پیچھے پڑ گیا ہے۔"
"یہ شخص صرف توجہ حاصل کرنے کے لیے پاکستانی اداکاراؤں کو نشانہ بنا رہا ہے، اس کے خلاف سخت کارروائی کی جانی چاہیے۔"
"اس کی چار شادیاں پہلے ہی ہو چکی ہیں، پھر بھی اسے سکون نہیں آیا۔ یہ سستی شہرت کا متلاشی ہے۔"
"شہزاد حکیم نے اب حد کر دی ہے، ہر دوسری اداکارہ کو شادی کی پیشکش کرنا مذاق بن گیا ہے۔"
یہ کہنا ہے سوشل میڈیا صارفین کا جو شہزاد حکیم لوہاپاڑ کی حالیہ ویڈیو پر شدید غصے میں ہیں۔ اس ویڈیو میں مرحوم ٹی وی میزبان عامر لیاقت حسین کی تیسری بیوی دانیہ شاہ کے موجودہ شوہر احمد شہزاد نے پاکستانی اداکارہ کومل عزیز کو سرعام شادی کی پیشکش کی اور وعدہ کیا کہ وہ ان کے لیے ہر قسم کا خطرہ مول لیں گے۔ ویڈیو میں انہیں کومل عزیز کی تصویر چومتے ہوئے دیکھا گیا، جہاں وہ کہہ رہے ہیں، "کومل، تم جو بھی کہو گی، میں کروں گا۔ چاہے مجھے انڈیا کے بارڈر پر بھیج دو یا بم باندھ کر خود کو دھماکے سے اڑا دوں، یہ نوکر حاضر ہے۔"
شہزاد نے مزید کہا، "ماشااللہ، میری چار شادیاں پہلے ہی ہو چکی ہیں اور چوتھی بیوی دانیہ شاہ سب سے زیادہ خوبصورت ہے۔ ہاں، پہلے والی بیویاں بھی ٹھیک تھیں، لیکن ایک چلی گئی ہے، اس لیے ایک جگہ خالی ہے جسے کومل سے بھرنا چاہتا ہوں۔"
ویڈیو کے وائرل ہونے کے بعد، شہزاد حکیم کو تنقید کا نشانہ بنایا جا رہا ہے، صارفین نے ان کی باتوں کو محض شہرت پانے کا ایک اور حربہ قرار دیا۔ اس سے پہلے بھی وہ اداکارہ حبا بخاری کے حوالے سے متنازعہ دعوے کر چکے ہیں، جس کے باعث ان کی ساکھ مزید خراب ہو گئی ہے۔