حکیم شہزاد نے حالیہ انسٹاگرام ویڈیو میں دھماکہ خیز انکشاف کرتے ہوئے کہا کہ مشہور اداکارہ حبا بخاری ان کی طبی امداد کی بدولت حاملہ ہوئیں۔ ویڈیو میں انہوں نے کہا، ’’اگر آپ جاننا چاہتے ہیں کہ شہزاد دواخانہ کی شہرت کی اصل وجہ کیا ہے، تو حبا بخاری سے پوچھیں!‘‘
حکیم نے دعویٰ کیا کہ جب حبا بخاری ان کے پاس آئیں تو وہ حاملہ نہیں تھیں، لیکن ان کی ادویات کے ایک ماہ کے استعمال کے بعد، انہیں واضح افاقہ ہوا اور اب وہ اپنے پہلے بچے کی ولادت کے قریب ہیں۔
یہ بیان حبا بخاری کی ایک ویڈیو کے تناظر میں دیا گیا جو ہم اسٹائل ایوارڈز میں ان کی شرکت کے بعد وائرل ہوئی تھی۔
حکیم شہزاد کے اس دعوے نے سوشل میڈیا پر طوفان برپا کر دیا ہے۔ جہاں کچھ لوگ اس بیان کو محض شہرت حاصل کرنے کی کوشش قرار دے رہے ہیں، وہیں کچھ صارفین اسے بے بنیاد اور غیر ذمہ دارانہ کہتے ہوئے تنقید کا نشانہ بنا رہے ہیں۔
حبا بخاری کی جانب سے تاحال اس دعوے پر کوئی باضابطہ ردعمل نہیں آیا، تاہم یہ ویڈیو سوشل میڈیا پر توجہ کا مرکز بنی ہوئی ہے۔