"آغا علی تمھاری تو ہر بات ہی فضول ہوتی ہے. پہلے اپنے گریبان میں تو جھانک لو"
"تم کون ہو کسی پر تنقید کرنے والے. اپنے کام سے کام رکھو"
"تم کو خود پر تنقید تو برداشت نہیں ہوتی. عرفی تمھارا نام بھی نہیں جانتی ہوگی"
یہ کہنا ہے سوشل میڈیا صارفین کا جنھوں نے اداکار آغا علی کو بھارتی اداکارہ اور بگ باس سے شہرت پانے والی عرفی جاوید کے لباس کا مذاق اڑانے پر کھری کھری سنا دی.
ویڈیو میں عرفی جاوید کو عجیب و غریب لباس میں دیکھا جاسکتا ہے. انھوں نے ایسا لباس پہنا ہے جس کے درمیانی حصے میں بہت سارے سیارے موجود ہیں اور لباس اندھیرے میں چمکتا ہے.
آغا علی نے نامناسب تبصرہ کرتے ہوئے لکھا کہ "اب یہ کہکشاں سے حاملہ ہوگئی ہے. اوہ اس زمین پر کیا ہورہا ہے"
آغا علی کا یہ تبصرہ دیکھتے ہی دیکھتے وائرل ہوگیا اور جہاں لوگوں نے عرفی جاوید کے لباس پر تنقید کی وہیں آغا علی کو بھی نہیں بخشا.