90 کی دہائی سے کروڑوں دلوں پر راج کرنے والے گلوکار علی عظمت کے مداحوں میں یوں تو خواتین کی بڑی تعداد شامل تھی. اس کے باوجود علی نے شادی 40 برس کی عمر کے بعد فریحہ خان نامی ماڈل اور اداکارہ سے کی.
حال ہی میں ایک نجی چینل کو انٹرویو دیتے ہوئے علی عظمت نے دیر سے شادی کی وجہ بتاتے ہوئے کہا کہ "میری چھوٹی بہن کی شادی سال1996 میں ہوئی تھی. اس وقت میری عمر 26 برس تھی لیکن اس وقت کام بہت زیادہ تھا. کنسرٹس کیلئے بیرون ملک سفر کرتا تھا"
علی عظمت نے گفتگو جاری رکھتے ہوئے مزید کہا کہ جب مجھ سے کوئی شادی کرنے کے لیے کہتا تھا تو میں ڈر جاتا تھا اور میرا سانس رکنے لگتا تھا کیونکہ شادی ایک مستقل ذمہ داری کا نام ہے جسے سوچ سمجھ کر لینا چاہیئے.
اسی طرح گلوکاری میں وقت گزرتا گیا اور میں 40 سال کا ہوگیا پھر میں نے شادی کا فرض پورا کیا۔
واضح رہے علی عظمت اب دو بچوں کے والد ہیں اور اہلیہ اور بچوں کے ساتھ خوشگوار زندگی بسر کررہے ہیں.