خوبصورت اوردلکش انمول بلوچ جب ہم ٹی وی ڈرامے قربتیں میں نظر آئيں تو ان کے نام کے سبب کافی لوگوں کا یہ خیال تھا کہ یہ اداکارہ صنم بلوچ کی چھوٹی بہن ہیں مگر حقیقت اس کے برعکس ہے ڈرامہ قربتیں میں اریبہ کے کردار میں نظر آنے والی انمول بلوچ کا تعلق سندھ کے گاؤں کشمور سے ہے اور وہ ایک بڑے زمیندار گھرانے سے تعلق رکھتی ہیں
انمول بلوچ اور اسامہ خان :
اس کو اتفاق کہہ لیں یا پھر کچھ اور مگر انمول نے زيادہ تر ڈرامے اسامہ خان کے ساتھ کیۓ ہیں شائد اس کی وجہ یہ بھی ہو سکتی ہے کہ ناظرین کو ان دونوں کی جوڑی پسندہے اور وہ ان دونوں کو ساتھ دیکھنا چاہتے ہیں یہی وجہ ہے کہ دونوں اکثر ساتھ ہی نظر آتے ہیں
جس کی وجہ سےاکثر لوگوں کو یہ بھی لگا کہ ان دونوں کا چکر چل رہا ہے جس کی خبر جب سوشل میڈيا پر مشہور ہوئی تو بات یہاں تک پہنچی کہ اسامہ خان کو نہ صرف اس کی تردید کرنی پڑی بلکہ ان کو یہ بھی کہنا پڑا کہ ان کا تعلق جس قدامت پرست گھرانے سے ہے وہاں پر اس کسی خاتون کے ساتھ ڈيٹ کرنے کو انتہائی معیوب سمجھا جاتا ہے اور وہ دوستی کے بجاۓ نکاح پر یقین رکھتے ہیں تاہم ان کا انڈسٹری میں کسی بھی اداکارہ کے ساتھ کوئی افئير نہیں ہے
انمول بلوچ کی شادی :
حالیہ دنوں میں ساجد حسن کو دیا گیا انمول بلوچ کا انٹرویو سوشل میڈيا پر وائرل ہو رہا ہے ۔ جس میں اپنی شادی کے حوالے سےان کا کہنا تھا کہ ابھی وہ اپنی شادی کے حوالے سےکچھ نہیں کہہ سکتی ہیں ۔ یہ فورا بھی ہو سکتی ہے اور اس میں دس سال کا وقت بھی لگ سکتا ہے
اپنے لیے آنے والے رشتوں کو حوالے سے ان کا کہنا تھا کہ ان کے لیۓ زيادہ تر رشتے گاؤں سے آتے ہیں ۔ کیوں کہ ان کا اور ان کے والدین کا تعلق کشمور نامی گاؤں سے ہے اس وجہ سے ان کے لیے آنے والے رشتے ان کے کزنز وغیرہ کے ہوتے ہیں
مگر اس کے ساتھ ان کا یہ بھی کہنا تھا کہ وہ ان رشتوں کو اس لیے منع کر دیتی ہیں کہ وہ گاؤں جا کر کیسے رہ سکیں گی کیوں کہ اب وہ شہری زندگی کی عادی ہو چکی ہیں اور ان کے لیۓ وہاں ایڈجسٹ کرنا کافی مشکل ہو گا
شوہر کی خصوصیات :
انمول بلوچ کا اپنے جیون ساتھی کی خصوصیات کے حوالے سے کہنا تھا کہ ان کی خواہش ہے کہ ان کا جیون ساتھی اچھا ، شریف اور ایماندار ہونا چاہیۓ کیوں کہ ان کا اپنا تعلق بھی بہت شریف ہے اور وہ ایک معصوم گھرانے سےتعلق رکھتی ہیں
اب دیکھنا یہ ہے کہ ان کو ایسا ایماندار اور شریف انسان کب تک ملتا ہے