شاندار آواز میں گانا اور کلام پڑھنے والےپاکستان کے مقبول ترین گلوکار عاطف اسلم ایک انٹرویو میں اپنے حوالے سے اہم انکشاف کیا ہے کہ انہوں نے غلطی سے نامناسب شاعری گانے پر اللّٰہ سے معافی بھی مانگی۔
نوجوانوں کے پسندیدہ گلوکار عاطف اسلم نے حال ہی میں ایک پوڈ کاسٹ میں بطور مہمان شرکت کی جس میں سے کچھ مختصر کلپس سوشل میڈیا پر وائرل ہو رہے ہیں۔
انہی میں سے ایک کلپ کافی وائرل ہو رہا ہے جس میں انہوں نے اللہ سے معافی مانگنے کے حوالے سے انکشاف کیا۔
سوشل میڈیا صارفین کی جانب سے عاطف اسلم کو اس انٹرویو میں خوبصورت گفتگو کرنے پر خوب سراہا ہے۔
عاطف اسلم کا انٹرویو کے دوران اپنے کام اور اللّٰہ سے مضبوط رشتے پر بات کرتے ہوئے کہنا ہے کہ اگر انہوں نے کبھی غلطی سے کوئی نامناسب شاعری گائی ہے جو اللّٰہ کی شان میں گستاخی میں شمار ہوتی ہے تو اُنہوں نے احساس ہونے پر بعد میں اللّٰہ سے اس پر معافی بھی مانگی ہے۔
خیال رہے عاطف اسلم صرف گلوکاری میں ہی مہارت نہیں رکھتے بلکہ وہ ایک اچھے اداکار بھی ہیں۔ ان کی شہرت پاکستان میں ہونے کے ساتھ ساتھ بھارت میں بھی بہت زیادہ ہے۔