خوبصورت اور نازک اندام ایمن سلیم کی کچھ ماہ پہلے دھوم دھام سے شادی ہوئی جس کے بعد وہ سوشل میڈیا سے کچھ عرصہ دور تھیں. البتہ حال ہی میں ایمن نے شادی کے بعد اپنے انسٹاگرام اکاؤنٹ پر پر پہلی پوسٹ شیئر کی ہے جس میں انھیں گاڑی میں اکیلے بیٹھے دیکھا جاسکتا ہے.
تصاویر میں دیکھا جاسکتا ہے کہ ایمن کافی مہنگی ترین اور لگژری گاڑی میں بیٹھی تصویر کے لیے مختلف پوز دے رہی ہیں. البتہ کسی بھی تصویر میں ایمن کے شوہر موجود نہیں ہیں جس پر ان کے مداح تشویش کا شکار ہیں. ایک مداح نے تو یہ بھی لکھا ہے کہ اداکارہ کی شادی ابھی چل رہی ہے یا ختم ہوگئی.
جب کہ ایمن سلیم نے اپنی خوبصورت تصاویر کے ساتھ کیپشن دیا ہے کہ ’جب آپ کے پاس شوہر ہو تو کس کو پیشہ ور فوٹوگرافر کی ضرورت پڑتی ہے"
اس کیپشن سے پتا چلتا ہے کہ اداکارہ کے شوہر اگرچہ تصاویر میں ساتھ موجود نہیں ہیں لیکن وہ اپنی بیگم کے لئے فوٹوگرافی کرنے میں مصروف ہیں اور دونوں بہت خوشگوار زندگی گزار رہے ہیں.