"میں یہ نہیں کہتی کہ ہر کوئی مذہبی ہوتا ہے لیکن فلموں میں کام کرنے والے اداروں کے لئے بہت برے الفاظ استعمال کیے جاتے ہیں. لوگ سمجھتے ہیں کرتے کہ ہم اداکار ہیں تو مذہب سے دور ہیں لیکن ایسا نہیں ہے"
یہ کہنا ہے پاکستان کی سینیئر اداکارہ عذرا منصور کا جنھوں نے ایک پوڈکاسٹ میں انٹرویو دیتے ہوئے نا صرف اداکاروں کے مذہب سے تعلق پر گفتگو کی بلکہ کئی بڑے ناموں کا حوالہ بھی دیا.
عذرا منصور کا کہنا تھا کہ ہم سب انسان ہیں اور انسان خطا کا پتلا ہے. البتہ ہماری شوبز انڈسٹری میں بہت سے لوگ واقعی مذہبی ہیں اور مذہب سے قریب ہیں۔
اپنی گفتگو جاری رکھتے ہوئے عذرا منصور نے بتایا کہ ماورا حسین اور محب مرزا ڈرامے کی شوٹنگ کے دوران پہلے نماز ادا کرتے ہیں.
"ماورا حسین کو دیکھ کر خوشی ہوتی ہے کیونکہ وہ ہمیشہ سین کی ریکارڈنگ کے دوران اگر نماز کا وقت ہو جاتا تو پہلے نماز ادا کرتی ہیں پھر واپس آ کر سین شوٹ کرواتی ہیں"
ماورہ کے علاوہ بھی باقی نوجوان اداکارائیں فجر سمیت تمام نمازوں کی پابندی کرتی تھیں. میں خود بھی روزے رکھتی ہوں اور رمضان میں کام بھی کرتی ہوں لیکن ہم فلموں میں کام کرنے والے فنکاروں کے لیے بہت نامناسب الفاظ استعمال کیے جاتے ہیں.