"میرے والد ہمیشہ یہی دعا کرتے تھے کہ انہیں شہادت نصیب ہو. وہ کہتے تھے کہ کچھ معاملات میرے اور اللہ کے درمیان ہیں میں اپنی برائیوں اور خطاؤں سے واقف ہوں اس لئے چاہتا ہوں کہ مجھے شہادت نصیب ہو"
یہ کہنا ہے مشہور سابق گلوکار ،معروف نعت خواں اور ممتاز عالم دین مرحوم جنید جمشید کے صاحبزادے بابر جنید کا جنھوں نے حال ہی میں نادر علی کے پوڈکاسٹ میں شرکت کی اور اپنے والد کے آخری لمحات کا ذکر کیا.
بابر جنید نے انکشاف کیا کہ "ہمارے بابا کو اپنی ہر بات میں ماشاءاللہ اور انشاءاللہ کہنے کی عادت تھ لیکن انکے آخری وائس نوٹ میں انھوں نے کہا کہ "کراچی آؤں گا" یہ وہ لمحہ تھا جب انہوں نے انشاءاللہ کا لفظ نہیں کہا تھا.
بابر کی بات پر نادر علی نے کہا کہ شاید اللہ کی مرضی سے وہ ان شاء اللہ کہنا بھول گئے تھے کیونکہ انہیں اس کے بعد کبھی کراچی نہیں آنا تھا۔
اپنی گفتگو جاری رکھتے ہوئے بابر جنید نے بتایا کہ جب بابا کے جہاز کا حادثہ ہوا تو وہ گھر پر تھے. واضح رہے کہ جنید جمشید نے گلوکاری چھوڑنے کے بعد اپنی پوری زندگی دین کی تبلیغ میں گزاری. ان کا انتقال 2016 میں طیارے کے حادثے کے دوران ہوا.