شادیوں کا سیزن آگیا ہے دلہنیں کون سے رنگ کا لہنگا پہنیں جو فیشن میں ہے ؟ معروف ڈیزائنرز کے کچھ ایسے جوڑے جو سب کا دل لوٹ لیں

پاکستان میں جس طرح سال میں سردی گرمی خزاں بہار کا موسم ہوتا ہے ویسے ہی ایک موسم اور بھی ہوتا ہے جس کو شادی کا موسم کہا جاتا ہے اس موسم کا آغاز عام طور پر ربیع الاول کے مہینے سے گرمیاں ختم ہوتے ہی ہو جاتا ہے اور ہر طرف شادی کی خوشیوں کی فضااور دعوت نامے ملنے شروع ہو جاتے ہیں

شادی کے موسم میں دلہن کا جوڑا سب سے اہم

شادی کی ان تقریبات میں سب سے اہم فرد دولہا اور دلہن ہوتے ہیں عام طور پر دولہے بے چارے تو ہمیشہ ایک جیسی شیروانی میں نظر آتے ہیں مگر دلہن کا جوڑا وہ اہم ترین فریضہ ہوتا ہے جس کے لیۓ خاندان کا ہر فرد بہت سوچ بچار کر فیصلہ کرتا ہے جس میں لازمی طور پر لڑکی کی راۓ کی بھی اہمیت ہوتی ہے

جیسے کہ آج کل کا دور برانڈ کا دور ہے یہی وجہ ہے کہ لڑکیاں اپنی شادی کے جوڑے کے لیۓ معرو‌ف ڈیزائینرز کی لباس دیکھتی ہیں اور اگر اتنے مہنگے لباس خرید نہ بھی سکیں تو ان جیسے یا اس جیسی کلر اسکیم کا انتخاب ضرور کرتی ہیں

معروف ڈيزائنر کے اس سیزن کے شادی کے جوڑے

اس حوالے سے ایسی تمام بہنوں کی مدد کے لیۓ جن کی شادی عن قریب ہونے جا رہی ہے ہم معروف ڈيزائنر کے منتخب لباس لاۓ ہیں جو انہوں نے اس سیزن کے لیۓ ڈيزائن کیۓ ہیں

سابیا ساچی کا پنک لہنگا

بلش پنک کلر اس وقت دلہنوں کے ملبوسات کے لیۓ ٹرینڈ کر رہا ہے سابیا ساچی نے اس لباس پر ملٹی کلر کے دھاگوں سے ایبمرائیڈری کی ہے جب کہ بھاری لہنگے کے ساتھ دوپٹے پر ہلکا ملٹی کلر بارڈر اس کی خوبصورتی کو اور نکھار رہا ہے

انامیکا کھنہ

معروف ڈیزائنر انامیکا کھنہ نے بھی لائٹ بلش پنک کو استعمال کر کے ہی دلہن کا لہنگا بنایا ہے مگر اس کے لہنگے پر بھاری کام اس کی خوبصورتی کو اور بھی نکھار رہا ہے اس لہنگۓ کے ساتھ اس نے ڈبل دوپٹہ سیٹ کیا ہے جس میں سے کاندھے والے دوپٹے پر بھاری کام ہے جب کہ سر والے دوپٹے پر خوبصورت بارڈر بنایا گیا ہے جو کہ بھاری کام کو اور بھی واضح کر رہا ہے

ترون ٹہلیانی

بھارت کے مشہور فیشن ڈیزائنر ترون کے مطابق یہ سیزن پنک کا ہے اس وجہ سے انہوں نے بھی برائیڈل ڈریس کے لیۓ پنک کلر کا انتخاب کرتے ہوۓ انتہائی حسین لباس تیار کیا ہے

منیش ملہوترا

منیش ملہوترا کا نام کسی تعارف کا محتاج نہیں ہے انہوں نے دلہن کے لیۓ لہنگے کے بجاۓ میکسی کا انتخاب کیا ہے جو کہ بارات اور ولیمے دونوں مواقعوں کے لیۓ بہت حسین ہے

پنک میکسی پر سلور کلر کے بھاری کام نے اس کی خوبصورتی کو بہت بڑھا دیا ہے اس کے ساتھ دوپٹے پر لگی لشتریں جو کہ موتیوں سے بنائی گئی ہیں دلہن کے لباس کو چار چاند لگا رہی ہیں

ان تمام عروسی ملبوسات کو دیکھ کر اندازہ لگایا جا سکتا ہے کہ اس وقت عروسی لباس کے لیۓ سرخ کے بجاۓ گلابی رنگ فیشن میں ہے جس پر گولڈن اور سلور دونوں طرح کی ایمبرائيڈری چل رہی ہے

اسکے علاوہ کچھ اور ڈیزائنرز کے بھی کچھ نئے برائیڈل ڈریس آئے ہیں جن کا انتخاب آپ کر سکتی ہیں یا اس جیسا بنا سکتی ہیں