“میں تو سخت مزاج ماں یا ساس ہرگز نہیں ہوں، میرے ہاتھ سے کسی کو تھپڑ نہیں پڑتا۔ ڈرامے میں جب ایسا کردار آتا ہے، تو یہ میرے لیے ایک بڑا چیلنج بن جاتا ہے۔ ڈراموں میں سخت مزاج ساس کے کردار عوام کی پسند کی وجہ سے دکھائے جاتے ہیں، کیونکہ لوگ ایسے کرداروں کو دیکھنا پسند کرتے ہیں۔"
یہ کہنا ہے 68 سالہ سینئیر اداکارہ بشریٰ انصاری کا جنھوں نے حال ہی میں تابش ہاشمی کے پروگرام میں شرکت کی۔ بشریٰ انصاری ان دنوں کبھی میں کبھی تم نامی مشور ڈرامے میں ساس کا کردار ادا کررہی ہیں جو کافی سخت گیر ہیں۔ اپنی بات کو آگے بڑھاتے ہوئے بشریٰ نے مزید کہا، "میں شاید دھکا دے دوں یا کسی کو برا بھلا کہہ لوں، مگر مجھ سے کسی پر ہاتھ اٹھانا بالکل ممکن نہیں ہے، چاہے وہ ڈرامہ ہی کیوں نہ ہو۔"
"اگر میری ساتھی صبا حمید کو دیکھا جائے تو وہ ڈراموں میں بہو کو مارنے میں خاصی مہارت رکھتی ہیں، اور یہ کام بہت خوبصورتی سے کرتی ہیں۔"
بشریٰ انصاری نے اس بات پر روشنی ڈالی کہ ان کے سخت مزاج کردار حقیقت سے بالکل دور ہیں۔ وہ ایک محبت کرنے والی اور نرمی سے پیش آنے والی شخصیت ہیں۔