بچے کے لئے ماں باپ دونوں کا ساتھ ضروری ہوتا ہے لیکن اگر کسی وجہ سے ان میں علیحدگی ہوجائے تو اولاد کو ماں باپ الگ الگ ہی میسر آتے ہیں. ایسا ہی کچھ اداکار فیروز خان کے ساتھ ہوا.
مشہور یوٹیوبر ایاز بروہی کا کہنا ہے کہ فیروز خان اور اُن کی سابقہ اہلیہ علیزہ سلطان کے بچوں سے متعلق عدالت نے فیصلہ سنا دیا ہے. جس کے بیٹی فاطمہ اپنی ماں علیزہ کے پاس جبکہ بیٹا سلطان اپنے والد فیروز خان کے ساتھ رہے گا.
ماں باپ دونوں کو یہ حق حاصل ہے کہ بچوں سے جب چاہیں فون یا ویڈیو کال پر بات کرسکیں. بچوں صحت کے متعلق ایک دوسرے کو باخبر رکھیں. فیروز خان ہر مہینے کی 3 تاریخ کو بیٹی فاطمہ کے ماہانہ اخراجات کے لیے 75 ہزار کی رقم علیزہ کو دیں گے جبکہ بیٹے کے تمام اخراجات فیروز خان ہی برداشت کریں گے. بیٹی کے ماہانہاخراجات میں ہر برس 10 فیصد اضافہ ہوگا. بیٹی کے تعلیمی اخراجات سوت ایمرجنسی کے اخراجات بھی فیروز ہی پورے کریں گے. خصوصی تہواروں پر ماں باپ دونوں بچوں سے مل سکیں گے اس کے علاوہ ماں اور باپ اپنے بچوں کو ملک سے باہر بھی لے جاسکتے ہیں۔
فیروز خان اور علیزہ کے درمیان بچوں کے معاملے پر کبھی نااتفاقی پیدا ہوئی تو پہلے گھر میں معاملات ٹھیک کرنے کی کوشش کی جائے گی اگر بات نہ بن سکی تو دوبارہ عدالت سے رجوع کیا جائے گا
بچوں کے معاملے میں بدمزگی ہو تو پہلے آپس میں سلجھانے کی کوشش کرنی ہوگی البتہ بعد میں عدالت کا دروازہ دوبارہ کھٹکھٹایا جاسکتا ہے.
اس فیصلے کے آتے ہی اداکار فیروز خان نے انسٹاگرام پر بیٹے کے ساتھ تصویر شئیر کی ہے جبکہ علیزے نے اکاؤنٹ ہی ڈیلیٹ کردیا ہے.