"کم عمری میں ثروت سے دوستی ہوگئی تھی لیکن پھر بریک اپ ہوگیا تب 25 برس کا تھا کہ ثروت چھوڑ کر چلی گئی اور میرا دل ٹوٹ گیا. اس کے بعد میں نے 15 سال بڑی خاتون سے شادی کی ان کے پہلے سے تین بچے بھی تھے"
یہ کہنا ہے معروف اداکارہ ثروت گیلانی کے شوہر فہد مرزا کا جو خود بھی اداکار ہیں اور ملک کے جانے مانے سرجن بھی ہیں. حال ہی میں ایک پوڈکاسٹ میں شرکت کرتے ہوئے انھوں نے اپنی پہلی شادی کا انکشاف کیا.
فہد مرزا نے پہلی اہلیہ کا نام تو نہیں بتایا لیکن ان کا کہنا تھا کہ اگر وہ بڑی عمر کی عورت سے شادی نہ کرتے تو زندگی میں آگے بڑھ نہیں پاتےاور بہت ساری چیزیں سیکھ نہ پاتے۔ بڑی عمر کی عورت سے شادی کرنے پر سب نے تنقید کا نشانہ بنایا اور نااہل اور نکما کہا گیا. ماں باپ کا گھر بھی چھوڑ دیا اور اہلیہ کے ساتھ ان کے گھر میں رہائش اختیار کرلی اور پھر سول ہسپتال کراچی میں ماہانہ 12 ہزار روپے پر ملازمت شروع کی۔
فہد مرزا کا کہنا تھا کہ بڑی عمر کی خاتون سے نہ ہوتی تو زندگی کے بہت سارے معاملات سیکھ نہ پاتے اور وہ پاکستان چھوڑ کر امریکا چلے جاتے لیکن انہیں پہلی بیوی نے بہت کچھ سکھایا. میری مدد کی اور مجھے زندگی میں آگے بڑھانا سکھایا۔ البتہ کچھ عرصے بعد دونوں باہمی رضامندی سے ایک دوسرے سے الگ ہوگئے اور پہلی شادی طلاق پر ختم ہوئی لیکن وہ آج تک پہلی اہلیہ کے شکر گزار ہیں.