پچھلے دنوں فیصل قریشی کی والدہ افشاں قریشی کا بیٹے سے متعلق ایک بیان سوشل میڈیا پر کافی وائرل ہو رہا تھا، جس میں انہوں نے بیٹے کے حوالے سے مانگی گئی دعا کا ذکر کرتے ہوئے کہا تھا کہ، دعا کی تھی کہ فیصل بڑا اسٹار بن جائے لیکن یہ دعا نہیں کی کہ اسے اچھا بیٹا اور انسان بھی بنائے۔
جیسے ہی یہ ویڈیو کلپ سوشل میڈیا پر آئی صارفین میں ہلچل سی مچ گئی ہر کوئی اس پر اپنا ردعمل ظاہر کرنے لگا، جبکہ یہ ویڈیو ماضی کے انٹرویو سے لی گئی ہے۔
جب یہ بات طول پکڑنے لگی تو افشاں قریشی نے اس بیان کو جھوٹا قرار دیتے ہوئے سوشل میڈیا پیجز کو بھی آڑے ہاتھوں لیا۔
انہوں نے وائرل پوسٹ کے کمنٹس میں تبصرہ کرتے ہوئے کہا کہ، سستی شہرت حاصل کرنے کے لیے سوشل میڈیا پیج جھوٹی خبریں پھیلا رہے ہیں۔ جبکہ والدہ کی وائرل ویڈیو پر فیصل قریشی کا بھی بیان سامنے آ گیا ہے۔
فیصل قریشی نے افشاں قریشی کے کمنٹ کا اسکرین شارٹ اپنی انسٹاگرام اسٹوری پر ری شیئر کرتے ہوئے لکھا کہ، "ہماری اماں نے خبر سے سارا مرچ مصالحہ ہی ختم کر دیا، اب لوگ کیا کہیں گے۔"