پاکستان شوبز انڈسٹری کی معروف اداکارہ غنا علی کی ایک ویڈیو وائرل ہو رہی ہے جس میں انہوں نے چہرے کو نکھارنے اور جلد کو چمکانے کے لیے صرف پیسوں کو کہا جس پر لوگ ان کی تعریفیں کر رہے ہیں۔
سوشل میڈیا صارفین نے اداکارہ کی بات سے اتفاق کرتے ہوئے کہا کہ پہلی بار کسی اداکارہ نے سچی اور صاف بات کہی ہے۔
غنا علی نے انسٹاگرام پر مختصر ویڈیو شیئر کی، جس میں وہ اپنے چہرے کو چمکانے کے لیے کریم کا استعمال کرتی دکھائی دیں۔
غنا علی کی شئیر کردہ انسٹاگرام ویڈیو میں اداکارہ کہتی سنائی دیتی ہیں کہ لوگ ان سے پوچھتے ہیں کہ چہرے پر جھریاں نہ ہونے اور چہرے کو دلکش رکھنے کا کیا راز ہے، اور کس چیز کی ضرورت ہے؟
اس پر اداکارہ نے مختصر جواب دیتے ہوئے کہا کہ چہرے کو خوبصورت، دلکش بنانے اور جھریوں سے جان چھڑانے کے لیے صرف پیسوں کی ضرورت ہوتی ہے۔
اداکارہ کے اس جواب پر متعدد صارفین نے ان کی بات سے اتفاق کیا اور لکھا کہ پہلی بار کسی اداکارہ نے سچی بات کی ہے۔