"الفاظ بیان نہیں کر سکتے کہ مجھے میری ماں کتنی یاد آتی ہے۔ اگر وہ آج ہمارے درمیان ہوتیں تو ان کی لیپ ایئر برتھ ڈے مناتے"
یہ کہنا ہے ملک کی نامور گلوکارہ اور اداکارہ حدیقہ کیانی کا جو گزشتہ روز اپنی مرحومہ والدہ کی سالگرہ کے موقع پر اُنہیں یاد کرکے جذباتی ہوگئیں۔ اس موقع پر حدیقہ کیانی نے انسٹاگرام پر اپنی والدہ کے ساتھ خوبصورت تصویر بھی شئیر کی.
واضح رہے کہ گلوکارہ حدیقہ کیانی، شاعرہ خاور کیانی کی بیٹی ہیں اور 2 سال پہلے ان کا طویل بیماری کے بعد انتقال ہوگیا تھا. خاور کیانی کئی کتابوں کی مصنفہ ہونے کے علاوہ حدیقہ کے گیتوں کی شاعری بھی کرتی تھیں. حدیقہ کی پوسٹ سے پتا چلتا ہے کہ خاور کیانی 29 فروری کو پیدا ہوئی تھیں اس لحاظ سے انتقال کے دو برس بعد یہ ان کی پہلی سالگرہ تھی.