"وہ 25 برس سے ہمارے ساتھ ہے. میں نے اور ثمینہ نے اسے پالا ہے اور وہ میرے گھر کی رونق ہے. میں نے جو کچھ بھی کمایا ہے، میرا گھر، تمام کمپنیز سب کچھ ثناء کا ہے. میری ساری خوشیاں ثناء کی ہیں"
یہ کہنا ہے پاکستان کے لیجنڈ اداکار اور ہدایتکار ہمایوں سعید کا جنھوں نے احمد علی بٹ کے پوڈکاسٹ میں شرکت کی اور اپنی اولاد کے بارے میں چونکا دینے والا انکشاف کیا.
ہمایوں سعید کا کہنا تھا کہ آج میں یہ بات واضح کردینا چاہتا ہوں کہ میری ایک ہی بیٹی ہے اور وہ ہے ثناء. وگ اپنے دلوں کو اسے میری سالی کہہ کر تسلی نہ دیں وہ میری بیٹی ہے.
گفتگو کے دوران ہمایوں نے ایک بار پھر اپنی بات پر زور دیتے ہوئے کہا کہ ' آپ سب ایک مرتبہ پھر سن لیں ثناء میں سالی نہیں ہے میری بیٹی ہے.
واضح رہے کہ چند ہفتے پہلے ایک انٹرویو کے دوران ہمایوں سعید نے اس بات کا اعتراف کیا تھا انھیں بچے بہت پسند ہیں مگر وہ بے اولاد ہیں اور اللہ کی رضا میں راضی ہیں.