معروف پاکستانی اداکارہ زارا نور عباس نے شوبز انسٹری سے ایک سال کا وقفہ لینے کا اعلان کر دیا ہے۔
زارا نور عباس نے حال ہی میں ایک ویب شو میں شرکت کی جہاں اُنہوں نے مختلف موضوعات پر بات چیت کی۔
اُنہوں نے اپنے شوبز کیریئر سے متعلق کہا کہ ابھی کم از کم ایک سال تک تو میں شوبز انڈسٹری سے دور رہوں گی۔
اداکارہ کا کہنا تھا کہ لیکن اس دوران میرا ایک پروجیکٹ جس کی شوٹنگ میں حاملہ ہونے سے قبل مکمل کروا چُکی ہوں تو اس دوران جب میں بریک پر ہوں گی تب بھی لوگ مجھے اسکرین پر دیکھتے رہیں گے۔
یاد رہے کہ اسد صدیقی اور زارا نور عباس بہت جلد اپنے پہلے بچے کا استقبال کرنے والے ہیں اور اسی وجہ سے اداکارہ شوبز انڈسٹری سے عارضی طور پر دوری اختیار کر رہی ہیں۔
واضح رہے کہ اداکار اسد صدیقی اور اداکارہ زارا نور عباس نے دسمبر 2017ء میں شادی کی تھی۔