پاکستانی ڈرامہ انڈسٹری کے معروف اداکار جنید خان کی آج سے چند روز قبل ایک تصویر سوشل میڈیا پر وائرل ہوئی تھی جس میں انہیں بھارتی اداکارہ امیشا پٹیل کے ساتھ دیکھا گیا تھا جس پر بہت سے لوگوں نے انہیں تنقید کا نشانہ بنایا تھا۔ اب اسی تنقید کا اداکار کی جانب سے ناقدین کو جواب دیا گیا ہے۔
جنید خان نے حال ہی میں ایک پوڈکاسٹ میں بطور مہمان شرکت کی جہاں اُنہوں نے اس حوالے سے بات کی۔
وائرل تصاویر پر ہونے والی تنقید پر ردِعمل دیتے ہوئے جنید خان نے ایک پوڈ کاسٹ میں کہا کہ پاکستانی عوام بالی ووڈ فلموں اور بھارتی اداکاروں کو بہت زیادہ پسند بھی کرتے ہیں لیکن اگر وہ کسی پاکستانی اداکار کو بھارتی اداکاروں سے ملاقات کتا دیکھ لیں تو تنقید کرتے ہیں۔
اداکار نے کہا کہ پاکستانی عوام اپنے ملک کے فنکاروں کو اگر بالی ووڈ شخصیات کے ساتھ دیکھ لیں تو برا مان جاتے ہیں کیونکہ وہ یہ سمجھتے ہیں کہ ہم بھارتی اداکاروں کے آگے کام مانگنے کے لیے جھکتے ہیں لیکن حقیقت میں ایسا کچھ بھی نہیں ہے۔
اُنہوں نے مزید کہا کہ ہم صرف بھارتی اداکاروں کی جانب سے ملنے والی عزت کا جواب عزت سے دیتے ہیں۔