عید پر درزی سب سے زیادہ اہمیت کے حامل ہو جاتے ہیں کیونکہ یہ ہم سب کے کپڑے سی کر دیتے ہیں۔ لیکن بعض اوقات درزی اتنا تنگ کرتے ہیں کہ انسان سلے سلائے کپڑوں کی جانب متوجہ ہوتا ہے۔ ایک تو ان کو ڈیزائن سمجھاؤ، مہنگا سا کپڑا اور ساتھ میں دیگر لوازمات لا کر دو لیکن یہ بیچارے یا تو بھولنے کا بہانہ کرکے کپڑے خراب کر دیتے ہیں یا وقت کی کمی کا بہانہ لگا کر سینا ہی بھول جاتے ہیں۔ لیکن کراچی کورٹ نے درزی کو اب ایسی سزا دی کہ اب کوئی بھی درزی آپ کے کپڑے سینے سے نہ تو منع کرے گا اور نہ دیر سے سی کر دے گا۔
تفصیلات کے مطابق کراچی کورٹ میں جج نے درزی پر 15 ہزار روپے کا جرمائنہ عائد کردیا ہے۔
اس کے متعلق مزید بتایا جاتا ہے کہ فہیم درخواست گزار کے کپڑے سی کر نہ دینے پر شہری نے کورٹ سے رابطہ کیا جہاں جج فہمیدا نے درزی کو بھی بلایا مگر وہ سماعت کے لیے حاضر نہ ہوا تو سزا کے طور پر 15 ہزار روپے جرمانہ عائد کردیا۔