"جب میں 15، 16 برس کی تھی تو ایک دوست کے ساتھ کسی سالگرہ کی تقریب میں گئی تھی. ایک شخص سے ملاقات ہوئی اور نمبر ایکسچینج ہوگئے.
اس کے بعد مجھے پتہ بھی نہیں چلا کہ کیا ہوا اور اگلے دو ہفتوں میں میری شادی بھی ہو گئی. شادی کے بعد سسرال جانے پر پتا چلا کہ شوہر کی تیسری بیوی ہوں"
یہ کہنا ہے اداکارہ مائرہ خان کا جن کا ایک انٹرویو کلپ سوشل میڈیا پر وائرل ہے جس میں مائرہ اپنی زندگی کے اتار چڑھاؤ کو بیان کررہی ہیں.
مائرہ نے انکشاف کیا کہ میں اس وقت بچی تھی اور شوہر نے پہلے نہیں بتایا تھا کہ وہ دو بار شادی شدہ ہیں. میرا سسرال نیچے گھر میں اور میں اوپر رہتی تھی. جبکہ میری امی بھی ساتھ رہتی تھیں. زندگی کے وہ 7 سے 8 برس کبھی بھی نہیں بھول سکتی.
مائرہ خان نے افسوس ناک انکشاف کرتے ہوئے بتایا کہ ایک دن بہت لڑائی ہوئی اور میری امی کو دھکے دیے گئے. اس وات میں نے فیصلہ کرلیا کہ اب یہاں نہیں رہوں گی۔
میں نے اپنی امی سے کہا کہ اس طرح تو تم ساری زندگی ماریں اور ڈنڈے کھاتی رہو گی یہاں سے چلو. اور پھر ایک رات ہم نے وہ گھر چھوڑ دیا، ہمارے پاس بس ایک تھیلی تھی اور کچھ پیسے تھی، اس کے بعد میں نے کبھی پیچھے مڑ کر نہیں دیکھا۔میں اپنی ماں کے لیے بہت حساس ہوں. آج تک جو کیا ہے بس ان کے لیے کیا ہے اور امی کے ساتھ کبھی کچھ برا ہوتے ہوئے نہیں دیکھ سکتی۔