معروف پاکستانی شوبز اداکارہ مریم نفیس نے مردوں کی ایک وقت میں ایک سے زائد شادیاں کرنے کے حوالے سے اپنی رائے کا اظہار کیا ہے۔
مریم نفیس نے حال ہی میں نجی ٹی وی شو میں بطور مہمان خصوصی شرکت کی جہاں سوال جواب کے ایک سیگمنٹ کے دوران ان سے یہ سوال کیا گیا کہ ’کیا آپ مردوں کے ایک وقت میں ایک سے زیادہ شادیاں کرنے کے حق میں ہیں؟‘
سوال کے جواب میں اُنہوں نے کہامیں اس بات کا احترام کرتی ہوں کہ اسلام میں مرد کو چار شادیوں کی اجازت ہے لیکن ساتھ ہی ہمارے دین میں یہ بھی بتا دیا گیا ہے کہ مرد اپنی بیویوں کے درمیان انصاف نہیں کر سکیں گے۔
اداکارہ نے کہا کہ میں ذاتی طور پر بھی یہی سمجھتی ہوں کہ بہت کم خواتین ایسی ہیں جو یہ بات برداشت کر پاتی ہیں کہ ان کے شوہر دوسری شادی کریں۔
اُنہوں نے کہا کہ اگر میرے شوہر دوسری شادی کرنا چاہیں تو میں اُنہیں منع نہیں کروں گی مگر میں پھر ان سے طلاق مانگ لوں گی۔
مریم نفیس نے مزید کہا کہ اگر انسان اپنی شادی سے خوش نہیں ہے تو اس شادی کو ختم کر کے بے شک دوسری شادی کر لے یا تیسری شادی کرنا چاہے تو وہ بھی اس کی مرضی ہے مگر میں صرف اتنا کہنا چاہتی ہوں کہ مرد کے لیے ایک وقت میں ایک سے زیادہ بیویوں کے درمیان انصاف کرنا مشکل ہے کیونکہ یہ بات ہمارے دین میں بھی واضح کی گئی ہے۔