پاکستانی شوبز انڈسٹری کے معروف کلوکار عاصم اظہر کی منگیتر میرب علی نے سوشل میڈیا پر فتنہ پھیلانے والوں کو منہ توڑ جواب دے کر چپ کروا دیا۔
حال ہی میں میرب نے اپنے انسٹاگرام پر اپنی دبئی ٹرپ کی تصاویر پوسٹ کی، جس میں انہیں گھومتے پھرتے خوشگوار موڈ میں دیکھا جا سکتا ہے۔
وہیں انہوں نے دبئی کی مشہور عمارت "میوزیم آف دی فیوچر" کے باہر کھڑے ہو کر بھی ایک تصویر لی، جسے بعد میں انسٹاگرام پر پوسٹ کیا۔
ان کی اس تصویر کو جہاں مداح پسند کر رہے تھے وہیں کچھ شرپسند اس پر فتنہ پھیلانے کی کوشش بھی کر رہے تھے۔
صارف نے تصویر پر کمنٹ کرتے ہوئے لکھا کہ، "کوئی آیت لکھی ہے کیا اور آپ اس پر کھڑی ہیں، واضح کریں"۔
جس پر میرب نے جواب دیتے ہوئے لکھا کہ، "عربی میں لکھی ہر چیز آیت نہیں ہوتی، یہ نظم ہے"۔
ان کے اس جواب سے یہ معاملہ وہیں تھم گیا۔