"خدا کا زرا بھی خوف نہیں رہا ان میں تو. غضب خدا کا. میلاد میں کون ڈانس کرتا ہے"
"یہ ٹک ٹاکرز تو بالکل ہی پاگل ہوگئی ہیں"
"ان کو شرم آنی چاہیئے. ان کی بیہودگیوں کی وجہ سے باقی لڑکیاں بھی یہی سب کرنے لگی ہیں"
"بچپن میں ٹیکے لگتے ہیں لگتا ہے ان کو شرم کا کوئی ٹیکا نہیں لگا"
تبصرے اور تنقید کا سلسلہ جاری ہے معروف ٹک ٹاکر جنت مرزا کی بہن سحر مرزا کے میلاد کی ویڈیو پر جہاں مختلف لوگ ڈانس کرتے دکھائی دے رہے ہیں.
سحر مرزا جو بہن کے ساتھ خود بھی مشہور ہوگئی ہیں. سیاہ رنگ کے خوبصورت جوڑے اور ہاتھوں میں پھولوں کے کنگن پہنے میلاد اور اپنی دعائے خیر میں موجود ہیں.
سوشل میڈیا پیج پر شیئر کی گئی ویڈیو میں جنت مرزا کو بہنوں کے ساتھ ڈانس کرتے بھی دیکھا جاسکتا ہے. جب کہ بعد میں وہ سنہری رنگ کے لباس میں بہن کی دعائے خیر میں شریک ہوتی ہیں.
واضح رہے کہ سحر مرزا کے میلاد کے بعد دعائے خیر اور پھر ڈھولکی کی رسم ہوئی. اس وجہ سے ڈانس کے مناظر ڈھولکی سے لیے گئے ہیں جبکہ ویڈیو پر کیپشن میلاد کا دیا گیا ہے جس کی وجہ سے عوام کا غصہ عروج پر پہنچ گیا.