فواد خان، علی ظفر، عاطف اسلم اور اب مشہور پاکستانی اداکار وہاج علی کا بخار بھارتی اداکاراؤں پر سر چڑھ کر بول رہا ہے۔
حال ہی میں بھارتی ٹیلی ویژن کی معروف اداکارہ ریم شیخ نے پاکستانی اداکار وہاج علی سے ملنے پاکستان آنے کی خواہش کا اظہار کیا ہے۔
یہ بات انہوں نے اس وقت کہی جب ریم شیخ ساتھی اداکاروں جینیفر ونگیٹ اور کرن واہی کے ہمراہ اپنے ایک ڈرامے کی پروموشن کے لیے ایک شو میں شریک ہوئیں۔
شوکے ایک سیگمنٹ کے دوران میزبان نے اداکارہ ریم شیخ سے سوال کیا کہ اگر انہیں کبھی عدالت میں کسی اداکار کا دفاع کرنا پڑے تو وہ کس اداکار کا دفاع کریں گی؟
ریم شیخ نے اس سوال کے جواب میں کہا کہ میں وہاج علی کا دفاع کرنا چاہوں گی اور اس کیس کے سلسلے میں یا تو مجھے پاکستان جانا ہوگا یا پھر وہاج علی پاکستان سے بھارت آجائیں۔
اُنہوں نے مزید کہا کہ میں زندگی میں ایک بار وہاج علی سے لازمی ملنا چاہتی ہوں کیونکہ میں اُنہیں بہت پسند کرتی ہوں۔