"اب شاید یہ رواج ہو لیکن ہمارے زمانے میں مائیں شادی سے پہلے بیٹیوں کو اونچ نیچ اور سسرال میں رہنے کے حوالے سے تربیت دیتی تھیں. ایسی ہی ایک نصیحت میری ماں نے کہ تھی کہ ہمیشہ اپنے شوہر سے ایک قدم پیچھے اور ایک قدم نیچے رہنا تاکہ جب بھی سر اُٹھا کر دیکھو تو تمہیں آسرے کے لیے اپنے شوہر کا چہرہ نظر آئے نا کہ کھلا آسمان. یہ کافی گہری بات تھی اور ہم دونوں بہنوں نے ماشااللّٰہ اس بات پر عمل بھی کیا. میں تھوڑے پرانے خیالات کی مالک ہوں اور شوہروں کو بہت اہمیت دیتی ہوں لیکن صرف ان شوہروں کو جو بدلے میں اپنی بیوی کو عزت اور محبت دیتے ہیں۔"
یہ کہنا ہے معروف اداکارہ صبا فیصل کا جو حال ہی میں دوسری بپو بیاہ کر لائی ہیں . صبا نے انسٹاگرام پر ویڈیو شیئر کرتے ہوئے والدہ کی ان کو اور ان کی بہن کو کی گئی نصیحت کے بارے میں بتایا.
صبا نے اس ویڈیو کے کیپشن میں لکھا کہ کچھ باتیں اور کچھ روایتیں ہر دور میں ہماری مشرق کی روایات کی ترجمان ہوتی ہیں
ان کا کہنا تھا کہ ان کی چھوٹی بہن فرح جو ان سے صرف 2 برس چھوٹی ہے لیکن چونکہ دونوں کی شادی ایک ہی دن ہونی تھی تو ان کی والدہ نے دونوں کو ایک دن پہلے بٹھا کر یہ نصیحت کی تھی.