ثنا جاوید اور شعیب ملک کی اچانک دوسری شادی نے جہاں پورے سوشل میڈیا کو ہلا کر رکھ دیا ہے وہیں ثنا جاوید کے خوبصورت جوڑے کے بھی خوب چرچے ہورہے ہیں.
ثنا جاوید جنھوں کی پہلی شادی گلوکار عمیر جسوال سے ہوئی تھی. گزشتہ کچھ عرصے سے دونوں کے درمیان ناچاقی کی خبریں عروج پر تھیں البتہ یہ اندازہ کسی کو نہ تھا کہ دونوں میں طلاق ہوجائے گی. دوسری جانب شعیب اور ثانیہ مرزا کے درمیان طلاق کی خبریں سرگرم تھیں جس کے بعد آج اچانک ہی شعیب اور ثنا نے شادی کی تصاویر شئیر کر کے سب کو حیران کردیا.
اس موقع پر ثنا روایتی دلہنوں کی طرح تیار ہوئیں اور ہلکے گلابی اور آف وائٹ رنگ کا جوڑا پہنا. یہ ڈریس معروف ڈیزائنر حسین ریحار آفیشل اٹائر آؤٹ لیٹ کا ہے جس کی قیمت 379,500.00 PKR ہے، یعنی تقریباً 4 لاکھ.