حال ہی میں مشہور گلوکارہ شازیہ منظور نے معین زبیر کو انٹرویو دیا۔ انٹرویو میں انہوں نے اپنی گلوکاری کی مہارت کے بارے میں بات کرتے ہوئے کہا، گلوکار اچھی آواز کے ساتھ پیدا ہوتے ہیں، یا تو آپ گلوکار ہیں یا آپ نہیں ہیں۔ شازیہ نے چاہت فتح علی خان کی غیر معمولی شہرت اور کامیابی کے بارے میں بھی بات کی۔
چاہت فتح علی خان کے نئے گانے 'بدو بدی' کی شہرت کے بارے میں بات کرتے ہوئے انہوں نے کہا، "مجھے لگتا ہے کہ لوگ لطف اندوز ہونے کے لیے اُنہیں سنتے ہیں، یہ ایک کامیڈی کی طرح ہے۔ ان کے انداز کو لوگوں میں پسند کیا جا رہا ہے۔ اللہ نے انہیں عزت دی ہے۔ اور ہم سب اس سے لطف اندوز ہو رہے ہیں۔"
شازیہ نے مزید کہا کہ، یہ بہت ہمت کی بات ہے کہ لوگ انہیں گاتے ہوئے سن رہے ہیں۔ وہ پراعتماد شخص ہیں لیکن میں یہ نہیں کہوں گی کہ انہیں گانا، گانا جاری رکھنا چاہیے۔ مجھے اس سے کوئی سروکار نہیں کہ وہ ملین میں ویوز حاصل کریں یا بلین بلین میں۔ تاہم میں سمجھتی ہوں کہ ایک اچھے گلوکار کا مدھر گانا آپ کا موڈ تازہ کر دیتا ہے۔