فضاء اور شیزا کے کردار سے مشہور ہونے والی اداکارہ کرن تعبیر کی نئی تصویر نے سوشل میڈیا صارفین کو حیرانی میں مبتلا کردیا۔ ان کو دیکھ کر کہیں سے یہ نہیں لگ رہا کہ یہ کرن ہیں، بلکہ یہ متھیرا کی جڑواں لگ رہی ہیں۔ کرن چونکہ دبلی تھیں اور کل انہوں نے جو تصویر اپنے انسٹاگرام پر شیئر کی اس میں وہ صحت مند نظر آرہی ہیں جس کو دور سے دیکھا جائے تو وہ بالکل متھیرا جیسی لگ رہی ہیں۔ اسی تصویر پر انسٹاگرام پر مداحوں نے کمنٹ کرتے ہوئے کرن پر تنقید کی اور کہا کہ یہ متھیرا بننے کی کیا ضرورت تھی؟
کسی نے کمنٹ کرتے ہوئے کرن کو کہا کہ اتنی موٹی ہوگئی ہوَ یہ کیا کرلیا راتوں رات ؟ کسی نے کہا یہ پری زاد کی بچھڑی ہوئی بہن ہے تو کوئی ان کو وزن کم کرنے کے مشورے دے رہا ہے۔
ان کمنٹس کے جواب میں اداکارہ کرن نے جواب دیتے ہوئے ایک خاتون صارف کو ٹیگ کرتے ہوئے کہا کہ:
"
اگر آپ خود ایک لڑکی ہیں تو آپ کی سوچ کو سلام ہے۔
"
اس کے جواب میں اداکارہ و ماڈل متھریا نے اپنے انسٹاگرام اکاؤنٹ پر سٹوری شیئر کرتے ہوئے جواب میں لکھا کہ:
"
کسی کو کسی سے ملانے یا مشابہت دیکھنے پر کوئی برائی نہیں لیکن آپ لوگ کیوں مجھے ہمیشہ غلط اور برا ہی سمجھتے ہیں؟
"