"توبہ توبہ. بہت خوفناک بل ہیں. مجھے تو سمجھ نہیں آتی کہ کچھ مہینوں بعد کیا حال ہوگا"
یہ کہنا ہے سینئر اداکار عثمان پیرزادہ کا جو ایک حالیہ انٹرویو میں بجلی کے بلوں پر بات کرتے ہوئے پھٹ پڑے.
عثمان پیرزادہ کا کہنا تھا کہ 'پتا نہیں کہ آنے والے دنوں میں میری اتنی حیثیت ہوگی یا نہیں کہ بل ادا کرسکیں. ہوسکتا ہے بجلی کٹوانی پڑے کیونکہ میں تو افورڈ نہیں کرسکتا
عثمان پیرزادہ نے اپنی گفتگو جاری رکھتے ہوئے مزید کہا کہ کبھی غریب عوام کے بارے میں سوچتا ہوں کہ وہ کیسے گزارا کرتے ہوں گے.اوپر سے شدید گرمی. بجلی کے بغیر گزارا بھی نہیں. کچھ لوگ سولر لگوارہے ہیں لیکن کبھی ٹیکنالوجی بدل گئی، کبھی اس پر بھی ٹیکس لگا دیتے ہیں انسان سوچ کر گھبرا جاتا ہے.
"میرے گھر میں صرف ایک اے سی چلتا ہے. میری بیوی، بیٹی اور میں ایک کمرے میں سوتے ہیں اس پر میرا بل اتنا خوفناک آیا ہے کہ کیا ہی بتاؤں.
اگرچہ عثمان پیرزادہ نے اپنے بجلی کے بل کے بارے میں تو نہیں بتایا البتہ حالیہ نرخوں میں اضافے کے بعد عوام کے ساتھ بہت سی مشہور شخصیات بل کے خلاف حکومت کو دہائی دے رہی ہیں.