کترینہ کیف کو بالی وڈ میں باربی گرل کہا جاتا ہے جس کی وجہ ان کی بے مثال خوبصورتی ہے. چند برس پہلے اداکار وکی کوشل سے کترینہ کی محبت کی شادی ہوئی. وکی کا شمار ان شوہروں میں ہوتا ہے جو بیوی کی تعریف کا کوئی موقع ہاتھ سے جانے نہیں دیتے اور انوکھے طریقوں سے اس کا اظہار بھی کرتے رہتے ہیں. ایسا ہی کچھ حال میں بھی ہوا.
حال ہی میں ہونے والے ایک انٹرویو میں وکی کوشل کا ایسا کلپ وائرل ہے جس میں انھیں اپنا موبائل فون تھامے ہوئے وال پیپر میڈیا کو دکھاتے ہوئے دیکھا جاسکتا ہے.
حیرت انگیز طور پر وال پیپر میں اگرچہ تصویر تو ان کی محبوب اہلیہ کترینہ کیف کی ہی لگی ہے لیکن یہ تصویر ان کی جوانی کی نہیں بلکہ اس وقت کی ہے جب وہ بہت چھوٹی سی بچی تھیں. وکی کوشل کے موبائل میں وال پیپر پر لگی کترینہ کی اتنی معصوم تصویر بلاشبہ محبت کا ایک خوبصورت انداز ہے.
سوشل میڈیا پر یہ کلپ وائرل ہونے کے بعد مداحوں کا کہنا ہے کہ شاید وکی چاہتے ہیں ان کی اولاد بھی بیوی کی طرح کیوٹ اور پیاری ہو اسی وجہ سے وہ ہر وقت کترینہ کے بچپن کو نظر کے سامنے رکھتے ہیں.