پاکستان کی معروف شوبز اداکارہ یشما گل کی جانب سے اسپتال سے اپنی ایک تصویر شئیر کی گئی جسے دیکھ کر ان کے مداح تشویش میں مبتلا ہوگئے۔
یشما گل نے اپنے سوشل میڈیا اکاؤنٹ پر اسٹوری پوسٹ شئیر کرتے ہوئے اپنی صحت سے متعلق آگاہ کیا۔
سوشل میڈیا ایپ انسٹاگرام پر اداکارہ نے مختلف اسٹوریز شیئر کرکے اپنی خیریت اور اچھی صحت کی اطلاع دی ہے۔
انہوں نے آج صبح انسٹاگرام اسٹوری شیئر کرکے بتایا تھا کہ ان کی مختصر سرجری ہے، اس کے ساتھ ہی انہوں نے دعاؤں کی اپیل بھی کی۔
تاہم اب انہوں نے اپنی خیریت کی اطلاع دیتے ہوئے مزید بتایا کہ ان کی سرجری کامیاب رہی اور وہ اب صحت یاب ہیں۔
مگر اداکارہ کی جانب سے یہ واضح نہیں کیا گیا کہ وہ کس مسئلے کے سبب اسپتال میں زیر علاج تھیں۔