اتنی گرمی ہے کہ اب اے سی کا شمار لگژری کے بجائے ضرورت میں شمار ہونے لگا ہے. جن گھروں میں اے سی ہے وہ ہزاروں کے بل بھرتے ہیں تاکہ شدید گرمی میں سکھ کا سانس لے سکیں. آج کے آرٹیکل میں ہم آپ کو کچھ ایسے ٹپس بتائیں گے جن سے آپ رات بھر اے سی بھی چلا سکیں گے اور آپ کا بجلی کا بل بھی آدھا ہوجائے گا.

انجینئر اسد مغل کا شمار ان یوٹیوبرز میں ہوتا ہے جو اپنی ویڈیوز میں عام گھریلو استعمال والی چیزوں سے جڑے مسائل کا حل بتاتے ہیں. ان کے یوٹیوب چینل "انجینئر سیٹ اپ" میں کئی لاکھ سبسکرائبرز موجود ہیں. آج بھی ان کی ہی بتائی ٹپس آپ سے شئیر کرنے جارہے ہیں.

روم کولر کے ساتھ ایک کولنگ پیڈ ہوتا ہے وہ بازار سے لے آئیں اور اسے اے سی کے آؤٹ ڈور کے ساتھ لگا دیں. اس کے اوپر سے پانی ڈالیں اور نیچے بالٹی رکھ دیں تاکہ سارا پانی نیچے چلا جائے. اس بالٹی میں اے سی یا ڈی سی پمپ لگا دیں جو پانی کو بار بار سرکولیٹ کرے. اس پمپ کا کنیکشن آؤٹ ڈور کے ساتھ کردیں. اس طرح جب اے سی آن ہوگا تو پانی کا سرکولیشن سسٹم بھی چل پڑے گا. اس پمپ میں جو موٹر استعمال ہوتی ہے وہ 7 یا 8 واٹ کی ہوتی ہے لیکن اس طرح اے سی کا بل 40 سے 60 فیصد کم ہوجاتا ہے.

دوسرا طریقہ یہ ہے کہ جب بھی اے سی چلانا ہو اس سے آدھا گھنٹہ پہلے سارے کھڑکی دروازے کھول کر پنکھا چلا دیں اور پھر سب بند کر کے اے سی کو 16 پر چلا دیں ساتھ ہی ٹربو آن کر دیں.

آدھے گھنٹے بعد اے سی کو ایکو موڈ پر کردیں جس سے اے سی خودبخود 26 پر سیٹ ہوجائے گا. آدھے گھنٹے بعد ایکو موڈ آن رکھتے ہوئے اے سی کو 28 ڈگری پر سیٹ کردیں اور اس کے آدھے گھنٹے بعد اے سی کو 28 پر رکھتے ہوئے سلیپ موڈ پر چلائیں.

یہ پیٹرن آپ اپنے اے سی کے ریمورٹ میں سیٹ بھی کرسکتے ہیں. اس طرح اے سی بہترین کولنگ کرے گا اور بجلی بھی 200 سے زیادہ ہونٹ کراس نہیں کرے گی.