وہ 10 پاکستانی کرکٹرز جن کے NOC منسوخ ہوئے؟ کھلاڑیوں کو کتنے کا نقصان؟

3126 views

پاکستان کرکٹ بورڈ نے ایک درجن سے زائد اسٹار کرکٹرز کے ابوظہبی ٹی 10 لیگ کھیلنے کے لیے جاری کردہ وثیقۂ عدم اعتراض (این او سی) منسوخ کردیے ہیں۔
 

image


ابوظہبی میں آئندہ ماہ ہونے والی ٹی 10 لیگ کھیلی جائے گی جس کے لیے کھلاڑیوں کے این او سی کی منسوخی کے سبب یہ کھلاڑی اس ایونٹ میں شرکت نہیں کرسکیں گے۔

جن کھلاڑیوں کے این او سی منسوخ کیے گئے ہیں ان میں شعیب ملک، محمد عامر، محمد حفیظ، وہاب ریاض، محمد حسنین، عماد وسیم، فہیم اشرف، حارث رؤف، سہیل اختر، سہیل تنویر، محمد عرفان، انور علی اور مرزا احسن شامل ہیں۔
 

image


پی سی بی کا کہنا ہے کہ کھلاڑیوں نے قومی ٹیم کے علاوہ ڈومیسٹک کرکٹ کے سینٹرل کنٹریکٹ بھی سائن کیے ہوئے ہیں اور قانون کے مطابق وہ بورڈ کی اجازت کے بغیر کسی ٹورنامنٹ میں شرکت نہیں کرسکتے۔
 

image


مقامی میڈیا رپورٹس میں پی سی بی کے حوالے سے یہ بھی کہا جارہا ہے کہ پاکستان کے اہم ترین کرکٹ ٹورنامنٹ قائد اعظم ٹرافی میں کھلاڑیوں کی شرکت کو مدنظر رکھتے ہوئے پی سی بی نے کھلاڑیوں کو جاری کیے گئے مشروط این او سی منسوخ کیے ہیں۔
 

image


این او سی کی منسوخی کے سبب 14 نومبر سے 24 نومبر تک ابوظہبی میں ہونے والی ٹی 10 لیگ میں پاکستانی کھلاڑیوں کی شرکت غیر یقینی ہے۔

منسوخی کی ایک وجہ تاریخوں کا ٹکراؤ بھی ہے کیوں کہ 13 نومبر سے 25 نومبر تک نیشنل اکیڈمی لاہور میں کرکٹرز کی فٹنس کا جائزہ لینے کے لیے کیمپ لگایا جائے گا جبکہ ابوظہبی ٹی 10 لیگ بھی اس دوران کھیلی جائے گی۔

کرکٹ حلقوں میں امکان ظاہر کیا جارہا ہے کہ این او سی کی منسوخی کے سبب بڑے کھلاڑیوں کو ایک، ایک کروڑ روپے کا نقصان ہوسکتا ہے۔


Partner Content: VOA
Comments
YOU MAY ALSO LIKE:

Written byNews Desk

Hamariweb's editorial desk covering news, guides and explainers on everyday life in Pakistan.

There will be no Pakistan players involved in next month’s T10 League in UAE, after the Pakistan Cricket Board refused to let their players go. The PCB confirmed on Wednesday (October 23) that they had revoked "conditional NOCs" handed out to its players for the tournament in UAE.