|
اتوار کے روز اورنگی ٹاؤن میں کھیلے جانے والا ایک کرکٹ
میچ اس وقت ایک المناک حادثے میں تبدیل ہوگیا جب ایک کرکٹر سینے پر گیند
لگنے سے جان کی بازی ہار گیا۔
مائی ہاوا گوٹھ میں واقع گراؤنڈ میں کھیلے جانے والے اس کرکٹ میچ کے دوران
جب 18 سالہ ذیشان محمد کو فاسٹ باؤلر کی جانب سے انتہائی تیز گیند کروائی
گئی تو وہ اس کے سینے پر جا لگی-
|
|
|
|
ذیشان کو فوراً قریبی ہسپتال منتقل کیا گیا جہاں ڈاکٹروں نے ذیشان کی موت
کی تصدیق کردی۔ اور اقبال مارکیٹ پولیس اسٹیشن کے ایس ایچ او غلام رسول راج
پور کے مطابق ذیشان کی موت سینے پر گیند لگنے کی وجہ سے واقع ہوئی-
لاش کو پوسٹ مارٹم کے لیے عباسی شہید منتقل کیا گیا تاہم کرکٹر کے اہلخانہ
نے پوسٹ مارٹم کی اجازت دینے سے انکار کردیا۔ پولیس آفشیل کے مطابق کرکٹر
کے والدین کسی کے خلاف مقدمہ بھی نہیں کروانا چاہتے-
|