ورلڈ کپ ٹورنامنٹ٬ کیا آپ جانتے ہیں کہ ---

دنیا بھر میں اس وقت کرکٹ کے شائقین کو بے صبری سے ورلڈ کپ 2015 کا انتظار ہے اور ہر گزرتا لمحہ ان کے جوش و خروش مزید اضافہ کرتا چلا جارہا ہے- ورلڈ کپ ٹورنامنٹ کی تاریخ متاثر کن کرکٹ ریکارڈ اور ناقابلِ یقین تاریخی فتوحات سے بھری پڑی ہے- ہم یہاں ورلڈ کپ سے متعلق چند ایسے حقائق بیان کرنے جارہے ہیں جو کم از کم کرکٹ سے محبت کرنے والے شائقین کو ورلڈ کپ 2015 کے آغاز سے قبل ضرور معلوم ہونے چاہیے-

1987 سے قبل ورلڈ کپ کے میچ انگلینڈ میں کھیلے جاتے تھے لیکن 1987 میں ہونے والا ورلڈ کپ ٹورنامنٹ وہ پہلا ورلڈ کپ تھا جو کہ انگلینڈ سے باہر منعقد ہوا- اس ٹورنامنٹ کی میزبانی مشترکہ طور پر بھارت اور پاکستان نے کی-

1987 کا ورلڈ کپ ٹورنامنٹ کے میچوں میں پہلی بار 50 اوور پر مشتمل میچ کھیلے گئے جبکہ اس وقت تک ایک روزہ بین الاقوامی میچوں میں 60 اوور پر مشتمل میچ کھیلے جاتے تھے-

1996 میں ہونے والے ورلڈ کپ کا انعقاد سری لنکا میں ہوا اور سری لنکا وہ پہلا میزبان ملک ہے جس نے اپنے ملک میں ہونے والا یہ ٹورنامنٹ جیت لیا- اس کے ساتھ ہی سری لنکا کی کرکٹ ٹیم وہ پہلی ٹیم تھی جس نے فائنل سیکنڈ بیٹنگ کرتے ہوئے جیتا-

ورلڈ کپ ٹورنامنٹ کے کھلینے والے سب سے زیادہ عمر کے کھلاڑی نیدر لینڈ کے Nolan E. Clarke ہیں جنہوں 1996 کا ورلڈ کپ کھیلا اور اس وقت ان کی عمر 47 سال اور 257 دن تھی-

بھارت کے سچن ٹندولکر نے ورلڈ کپ میچوں میں 8 مین آف دی میچ کے ایوارڈ جیت رکھے ہیں-

ورلڈ کپ ٹورنامنٹ کھیلنے والے سے سب سے کم عمر کھلاڑی کا اعزاز کینیڈا کے نتیش کمار کے پاس ہے جن کی عمر صرف 16 سال اور 282 دن تھی-

آسٹریلیا کے رکی پونٹنگ نے سب سے زیادہ ورلڈ کپ میچز کھیل رکھے ہیں اور ان میچوں کی تعداد 46 ہے-

ایڈم گلکریسٹ بطور وکٹ کیپر سب سے زیادہ کھلاڑیوں کو آؤٹ کرنے کا اعزاز رکھتے ہیں- انہوں نے ورلڈ کپ میچوں میں 52 کھلاڑیوں کو آؤٹ کیا-

رنگین ٹی شرٹ جن کی پشت پر کھلاڑی کا نام بھی موجود تھا پہلی بار 1992 کے ورلڈ کپ میں متعارف کروائی گئیں اور اس ورلڈ کپ ٹورنامنٹ کا فاتح پاکستان تھا-

1996 کے ورلڈ کپ ٹورنامنٹ کے دوران سری لنکا اور انڈیا کے درمیان ہونے والا ایسا پہلا ورلڈ کپ کا میچ تھا جو کسی نتیجے کے بغیر ہی ختم ہوگیا- اس کی وجہ کلکتہ کے اسٹیڈیم میں موجود بھارت کے حامی شائقین تھے جو بھارت کو ہارتا دیکھ کر مشتعل ہوگئے اور انہوں نے میدان میں بوتلیں پھینکنا شروع کردیں-

پہلی مرتبہ ورلڈ کپ ٹورنامنٹ کے دوران 100 میل فی گھنٹہ کی رفتار سے پھینکی جانے والی گیند شعیب اختر نے کروائی اور یہ 2003 کا ورلڈ کپ تھا- یہ گیند انگلینڈ کے Nick Knight کو کروائی گئی تھی-

ورلڈ کپ کی تاریخ میں سب سے تیز ترین سینچری آئر لینڈ کے Kevin O'Brien نے بنائی - انہوں نے یہ سینچری 2011 کے ورلڈ کپ میں صرف 50 گیندوں پر انگلینڈ کے خلاف بنائی-