حال ہی میں نعمان نیاز کے ساتھ تنازعے کی زد میں آنے والے شعیب اختر کو جہاں قوم نے اپنا اصلی ہیرو قرار دیا ہے وہیں شعیب نے ایک ایسی بات بتائی ہے جسے سن کر دل میں ان کی عزت پہلے سے کہیں زیادہ بڑھ جاتی ہے۔

پہلی کمائی سے والدہ کے لئے سونے کے کنگن خریدے

جیو نیوز کے پروگرام جشن کرکٹ میں آئے سابق کرکٹرز سے جب ان کی پہلی کمائی کے بارے میں پوچھا گیا تو شعیب اختر نے بتایا کہ "میری پہلی کرکٹ سے کمائی 12 ہزار روپے تھی جس سے میں نے اپنی والدہ کے لئے سونے کے کنگن خریدے تھے"

مشہور کرکٹرز کی پہلی کمائی

انضمام الحق کا کہنا ہے کہ ان کی ہہلی کمائی 5 ہزار روپے تھی جس سے انھوں نے ڈھیر ساری شاپنگ کی تھی۔

مشتاق احمد کہتے ہیں کہ ان کی پہلی کمائی 25 ہزار تھی جس سے انھوں نے موٹر سائیکل خریدی جب کہ سکندر بخت نے بتایا کہ ان کی پہلی کمائی صرف ایک ہزار روپے تھی جس سے انھوں نے کسی کو تحفہ دینے کے لئے پرفیوم خریدا تھا۔