عوام کی ڈھیروں ڈھیر چاہت نچاور کرنے کے باوجود جانے کیا بات ہے کہ سپر اسٹار شعیب اختر ایک کے بعد ایک مصیبتوں میں پھنستے ہی جارہے ہیں۔ اب یہی دیکھ لیں نعمان نیاز سے تلخ کلامی کے بعد شعیب اختر نے جواب میں کسی بدتمیزی کا مظاہرہ نہیں کیا پھر بھی سرکاری چینل ان سے ناراض ہے اور باقاعدہ ہرجانے کا نوٹس بھیج چکا ہے۔

پی ٹی وی کا نوٹس

پی ٹی وی نے شعیب اختر پر بغیر کسی پیشگی اطلاع کے استعفیٰ دینے اور ورلڈ کپ کے دوران پی ٹی وی سے غیر حاضر رہنے اور اس کے بعد بغیر بتائے دبئی جاکر بھارتی کرکٹر کے ساتھ پروگرام کرنے پر 10 کروڑ 33 لاکھ روپے کے ہرجانے کا نوٹس بھیج دیا ہے کیونکہ چینل کے مطابق شعیب اختر کی وجہ سے انھیں بھاری نقصان اٹھانا پڑا ہے۔

اب میں ہائی کورٹ جاؤں گا

جبکہ پی ٹی وی کے اس نوٹس کے بعد شعیب اختر بھی میدان میں اتر آئے ہیں۔ شعیب کا کہنا ہے کہ سرکاری ٹی وی نے تحقیقاتی کمیٹی کی رپورٹ آئے بغیر مجھے نوٹس بھیجا ہے اس لیے میں نعمان نیاز اور پی ٹی وی کے ایم ڈی کے خلاف ہائی کورٹ جاؤں گا۔