ورلڈ ٹی20 سے بھارتی ٹیم کے باہر ہونے کے بعد بھارتی ٹیم کے کپتان ویرات کوہلی کا پہلا ٹوئٹ سامنے آگیا ہے۔
ٹوئٹر پر ویرات کوہلی نے پوسٹ کرتے ہوئے چند تصاویر بھی شیئر کی، جس کے ساتھ انہوں نے لکھا کہ ہم ایک ساتھ ایک مقصد حاصل کرنے کیلئے نکلے تھے، مگر بدقسمتی سے ہم پیچھے رہ گئے، جبکہ ہم سے زیادہ مایوس کوئی نہیں۔
وایرت کوہلی نے مزید کہا کہ ہماری حمایت کرنے پر شائقین کا شکر گزار ہوں۔ اور ہم مضبوطی کے ساتھ واپس آنے کا ارادہ کریں گے۔
واضح رہے کہ بھارت گروپ میچز میں پاکستان اور نیوزی لینڈ سے شکست کے بعد ورلڈ کپ کی دوڑ سے باہر ہوگئی تھی۔