ٹیم گرین کے شاہین بھلے ہی ورلڈ کپ نہ جیت سکے لیکن اپنی شاندار کارکردگی سے پوری قوم کے دل ضرور جیت لئے ہیں۔ خاص طور پر پاکستانی بچے اس وقت کرکٹرز کو اپنے آئیڈیل کے طور پپر دیکھ رہے ہیں۔ حال ہی میں فرحان علی مچولوی نام کے ایک بچے نے محمد رضوان کی ایک خوبصورت پینٹنگ بنائی ہے۔

خوبصورت پینٹنگ

اس پینٹنگ میں محمد رضوان کو پاکستانی کرکٹ کے یونیفارم میں ہاتھ لہراتے ہوئے دکھایا گیا ہے۔ پینٹنگ میں خوبصورت رنگ استعمال کیے گئے ہیں اور تصویر میں محمد رضوان کی شبیہہ ناقال یقین حد تک درست بنائی گئی ہے جو اتنے چھوٹے بچے کے لئے بنانا ایک حیرت انگیز بات ہے۔

بچے ہی پاکستان کا اثاثہ ہیں

محمد رضوان نے بچے کو سراہتے ہوئے کہا کہ “آپ گلگت بلتستان کا فخر ہیں۔ آپ زندگی میں جو کرنا چاہتے ہیں وہ کریں۔ میرا یقین ہے کہ آپ جیسے بچے ہی پاکستان کا اصل اثاثہ ہیں جو ایک مضبوط پاکستان بنائیں گے“

محمد رضوان نے فرحان علی مچولوی کی محبت اور حمایت کے اس انداز کا شکریہ بھی ادا کیا۔