بنگلہ دیش میں گئی پاکستان کی ٹیم نے کھلاڑیوں کی حوصلہ افزائی کے لئے پریکٹس کے دوران جھنڈا لگایا تو بنگلہ دیشیوں سے برداشت نہیں ہوسکا۔

ٹیم کو جھنڈے سمیت واپس بھیج دینا چاہئیے

اس موقع ہر لی گئے تصاویر سوشل میڈیا پر وائرل ہوتے ہی بنگلہ دیش کے وزیرِ اطلاعات و نشریات مراد حسن نے شدید ردِ عمل دیتے ہوئے کہا کہ “ہم پریکٹس سیشن کے دوران ان کی جانب سے پاکستانی جھنڈا لگانا قبول نہیں کرسکتے، خاص طور پر ایک ایسے وقت میں جب ہم بابائے بنگا بدھو شیخ مجیب کی سالگرہ اور اپنی آزادی کی 50 ویں سالگرہ منارہے ہیں۔ میرا خیال ہے کہ پاکستانی ٹیم کو جھنڈے کے ساتھ ہی واپس بھیج دینا چاہیے“

پاکستانی ٹیم میں کون کون شامل ہے؟

پاکستانی ٹیم بنگلہ دیش میں ٹی ٹوئنٹی سیریز کے میچز کھیلنے گئی ہے۔ پاکستان اور بنگلہ دیش کے درمیان تین میچز ہوں گے جس میں سے پہلا میچ کل شیر بنگلہ کرکٹ اسٹیڈیم میں کھیلا جائے گا۔ پاکستانی ٹیم کے کھلاڑیوں میں حیدر علی ، محمد نواز اور محمد وسیم، کپتان بابر اعظم ، وکٹ کیپر محمد رضوان ، شاہین شاہ آفریدی ، خوشدل شاہ ، فخر زمان ، حارث رؤف شعیب ملک اور حسن علی شامل ہیں ۔