لوگ جب کسی مشہور شخصیت سے ملتے ہیں تو یادگار کے طور پر ان کے ساتھ سیلفی یا آٹوگراف ضرور لیتے ہیں۔ یہ آٹوگراف ان کے لئے فخر کی علامت ہوتے ہیں جس کے لئے خاص ڈائریز یا نوٹ بکس رکھی جاتی ہیں۔
البتہ ایشز کے چوتھے ٹیسٹ میچ کے دوران جب کھلاڑی جیک لیچ گراؤنڈ میں موجود تھے اور فیلڈنگ کررہے تھے تو اچانک اپنے مداح کی پکار پر اس کی جانب بڑھے اور پورے گراؤنڈ میں موجود کیمروں کا رخ امن کی جانب ہی ہوگیا۔ مداح کے پاس پہنچے اور جب اس نے انھیں پین پکڑایا تو جیک نے اس کے گنجے سر پر ہی آٹوگراف دے ڈالا۔
یہ منظر ٹی وی پر لائیو دکھایا گیا اور ٹی وی کے علاوہ سوشل میڈیا پر بھی لوگ اس کلپ کو بار بار دیکھ کر محظوظ ہورہے ہیں۔