پاکستان کو اللہ پاک نے نہایت ہی خوبصورت بنایا ہے مگر پھر بھی ملک کے حالات کی وجہ سے مختلف ملکوں کے غیر ملکی سیاح یہاں سیرو تفریح کی وجہ سے آتے نہیں تھے تو ابھی جب کافی غیر ملکی پاکستان آتے ہیں۔
تو ہمارے ہی ملک کے باشندے انکے ساتھ وہ رویہ اختیار کرتے ہیں جن کی امید بھی نہیں کی جا سکتی۔ یہ بات یہاں اس لیے کی جا رہی ہے کیونکہ ایک غیر ملکی سیاح کی ویڈیو سوشل میڈیا پر خوب وائرل ہو رہی ہے جس میں دیکھا جا سکتا ہے۔
کہ سیاح کراچی میں ساحل سمندر پر موجود ہے اور گھوڑے کی سیر کرنا چاہتا ہے تو گھوڑے والے لڑکا سیاح سے خود 200 روپے مانگتا ہے لیکن چکر دلوانے کے بعد 3 ہزار روپے طلب کرتا ہے تو وہ حیران ہو جاتا ہے اور اسے 200 روپے پہلے سے طے شدہ رقم کا یاد دلاتا ہے۔
لیکن یہ 3 ہزار روپے لینے پر ہی بضد رہتا ہے اور جب سیاح 200 روپے دینے کیلئے جیب سے 500 روپے نکال کر اسے دیتا ہے تو وہ نیچے پھینک دیتا ہے البتہ ایک اور پاکستانی شہری معاملے میں عمل دخل کرتا ہے اور گھوڑے والے کو 1 ہزار روپے دے کر معاملہ ختم کر دیتا ہے۔
جیسے ہی اس واقعی کی ویڈیو سوشل میڈیا پر وائرل ہوئی تو صارفین نے بہت غصے کا اظہار کیا اور اس گھوڑے والے کو مافیا قرار دیتے ہوئے اس کے خلاف کارروائی کرنے کا مطالبہ کر ڈالا۔