زندگی میں کب کیا ہو جائے، کسے معلوم ہوتا ہے۔ آج ہم اسی موضوع پر بات کریں گے کہ وہ مشہور اداکارائیں جنہیں ہم سب ٹی وی اسکرین پر دیکھتے ہیں تو سوچتے ہیں کہ شاید انہیں کوئی دکھ تکلیف نہیں لیکن یہ حقیقت نہیں کیونکہ انہوں نے بھی کئی دکھوں اور تکالیف کا سامنا کیا ہے۔ اور انہیں کس طرح بڑے بڑے حادثوں کے بعد ایک نئی زندگی ملی، آئیے جانتے ہیں۔

عائشہ عمر:

مشہور پاکستانی ڈرامہ بلبلے سے شہرت کی بلندیوں پر پہنچنے والی اداکارہ عائشہ عمر 2015 میں خطرناک ٹریفک حادثے کا شکار ہوئی، اس وقت ان کے ساتھ ساتھی اداکار اظفر رحمان بھی موجود تھے، دونوں ہی کافی زخمی ہوئے۔

عائشہ عمر کی گلے کی ہڈی ٹوٹ گئی، ایک ہاتھ بھی بری طرح متاثر ہوا، وقت کے ساتھ ساتھ گلے کی ہڈی اور انکا زخمی ہاتھ ٹھیک تو ہو گیا مگر دونوں ہاتھوں کی لمبائی میں کافی فرق آ گیا اور یہ فرق ابھی بھی پایا جاتا ہے، تاہم اب وہ اللہ کے کرم سے بالکل ٹھیک ہیں۔دوسری طرف اظفر رحمان کو سر پر اور جسم پر کئی ایک چوٹیں آئیں مگر وہ جلد صحتیاب ہو گئے۔

حریم فاروق:

ماڈل و اداکارہ حریم فاروق اپنے کئی ایک انٹرویوز میں یہ بات کہہ چکی ہیں کہ انکا ایک ایکسیڈینٹ ہوا تھا جس میں وہ کافی زخمی بھی ہو گئیں تھیں تو انہوں نے جلد از جلد صحتیاب ہونے کیلئے اچھے سے اچھا کھانا کھانا شروع کر دیا تاکہ ان کے جسم کو توانائی ملے ناکہ یہ کھانا انہیں موٹا کرے تو بس اسی طرح میرا وزن کم بھی ہوا، اور اب میں اس حادثے پر یہ کہنا چاہوں گی کہ اگر حادثے نے مجھے زخم دیے تو یہ میرے لیے فائدہ مند بھی رہا۔

کبریٰ خان:

اداکارہ کبریٰ خان کے نام سے آج کون واقف نہیں،ہر دوسرا پاکستانی ان کی اداکاری کو پسند کرتا ہے۔ انہوں نے اپنے ایک انٹرویو میں اس بات کا انکشاف کیا تھا کہ ان کے چہرے کی کئی ہڈیاں ٹوٹ گئی تھیں ۔ کیونکہ 18 سال کی عمر میں یہ ایک سڑک حادثے کا شکار ہوئیں ہو گئی تھیں جس کی وجہ سے ناک کی ہڈی، آنکھ کے اوپر کی ہڈی اور گال کی ہڈی متاثر ہوئی۔ اسی واقعہ پر بات کرتے ہوئے انکا مزید کہنا تھا کہ میں ہمیشہ پریشان رہتی ہوں کہ اب کہیں کچھ اور نہ ہو جائے۔

مومل خالد:

جویریہ عباسی:

جویریہ عباسی 2000 میں ایک خوفناک کار حادثے کا شکار ہوئیں جس کی وجہ سے انہیں کافی چوٹیں آئیں، جسم کی کئی ہڈیاں بھی ٹوٹ گئیں۔ اس واقعے کے بعد انہیں دوبارہ سے صحت یاب کرنے کیلئے ان کی کئی سرجریاں بھی کی گئیں۔ پھر اللہ پاک کا کرم ہوا تو یہ کچھ وقت بعد صحت یاب ہو گئیں۔ مگر کہا یہ جاتا ہے کہ ان کے جسم پر اب بھی زخموں کے نشانات ہیں۔

ملائکہ راوڑا:

مشہور بھارتی اداکارہ ملائکہ اروڑا بھی کار حادثے میں کافی زخمی ہوئیں تو انہیں قریبی اسپتال منتقل کر دیا گیا جہاں انکا مکمل علاج کیا گیا۔ ڈاکٹرز کا کہنا تھا کہ انہیں ماتھے پر چوٹیں آئیں تاہم اب وہ ٹھیک ہیں۔ یہ حادثہ ان کے ساتھ ممبئی، پونے ایکسپریس وے پر پیش آیا، جہاں ان کی کار دیگر 3 کاروں سے ٹکرا گئی تھی۔